როცა მოედანზე არაფერი ხდება
ამერიკელმა გოგონამ, 22 წლის ქეთრინ სპენსერმა, ცხოვრება მექსიკაში გადაწყვიტა, აქაოდა, ჩემს ქვეყანაში პოპულარობის მიღწევა ძნელია და, ეგებ ბედს მეზობელ ქვეყანაში ვეწიოო. როგორც ჩანს, პოპულარობა არც იქ არის ადვილი, მაგრამ, ხომ გაგიგონიათ, მთავარი მონდომებაა.
მოკლედ, გასულ კვირას ორი მექსიკური კლუბის – „მონტერეისა“ და „კრუს ასულის“ საფეხბურთო მატჩის მიმდინარეობისას, ქეთრინმა მაისური გაიძრო და ათასობით გულშემატკივრის თვალწინ მკერდი მოიშიშვლა. იმის გათვალისწინებით, რომ „სვარკა“ თამაში იყო და მინდორზე საინტერესო არაფერი ხდებოდა, გულშემატკივრები სპენსერის ხილვით ტკბებოდნენ. ტკბობა რამდენიმე წუთს გაგრძელდა, რადგან სტადიონის ადმინისტრაციამ გოგონა გარეთ მიაბრძანა და საზოგადოებრივი წესრიგის დარღვევისთვის 600 დოლარითაც დააჯარიმა.
სამაგიეროდ, ქეთრინმა ოცნება აიხდინა და პოპულარული გახდა. ყოველ შემთხვევაში, მისმა ფოტომ მსოფლიო მოიარა.