ლიმას სტრიპტიზი ძვირია
ცნობილი კალათბურთელის, მარკო იარიჩის არანაკლებ ცნობილი ცოლი, ადრიანა ლიმა, სტრიპტიზ-კლუბის სარეკლამო ბანერზე გამოჩნდა. თავიდან ამან ბევრი მითქმა-მოთქმა გამოიწვია, მაგრამ კომპანია „ჰარდ სტრიპტიზის“ მფლობელებმა ყველაფერი მარტივად ახსნეს:
„ჩვენ ახალი სერვისი გვაქვს, რომელიც სტრიპტიზის მოცეკვავე გოგონების ადგილზე მიყვანას ითვალისწინებს, ანუ, საჭირო აღარ არის, ყველა ბარში მოვიდეს და ცეკვას აქ უყუროს, შეუძლია, გოგონა სახლშიც გამოიძახოს და, რამდენ ხანსაც სურს, იმდენ ხანს აცეკვოს. ამ სერვისის რეკლამირებისთვის კი ლიმა დავიქირავეთ, ფული გადავუხადეთ და მისი ფოტო სამი თვის განმავლობაში სარეკლამოდ იქნება გამოფენილი“, – ასეთია ოფიციალური განცხადება.
მომხდარზე დიდად არ უდარდია ლიმას კალათბურთელ ქმარს. მარკოს ყველაფერი კარგად რომ გაეგო, ამისთვის მის ცოლს ფოტოსესიაში ორასი ათასი გადაუხადეს.