რეპერები გააქტიურდნენ
8 მარტს კლუბ „ბამბა რუმში“ რეპერ ძვალის ახალი სიმღერების პრეზენტაცია და დახურული კონცერტი შედგება, რომელზეც მოხვედრა მხოლოდ მოსაწვევებით იქნება შესაძლებელი. რეპერი ძვალი, ქართველ რეპერებს შორის ყოველთვის გამოირჩეოდა თავისი ნიჭით, განსაკუთრებული ხმის ტემბრითა და საინტერესო ტექსტით. ძვალი თითქოს მოღვაწეობის ახალ საფეხურზე გადავიდა. მას შემდეგ, რაც რეპსამყაროში ბერა ივანიშვილი გამოჩნდა, ამ მიმართულების მუსიკა თითქოს უფრო პოპულარული გახდა. ბერას მოწვევით, თბილისს „იქს ზიბითი“, „ქულიო“, ჯა რული და სხვები ეწვივნენ. მომავალ სავარაუდო სიაშია სნუპ დოგი, რაც აბსულუტურად არ არის შორეული პერსპექტივა იმ ვარსკვლავების ფონზე, რომლებიც თბილისს სტუმრობდნენ. იმედია, მომავალში თბილისს პაფ დედიც ეწვევა, მანამდე კი რეპის მოყვარულებს და ზოგადად ქალებს, 8 მარტს ძვალი მიულოცავს.