თბილისის მერიის და „სტეპ რეკორდსის“ ორგანიზებით 14 მარტს თბილისის საკონცერტო დარბაზში დაუვიწყარი კონცერტი გაიმართება, რომელიც „თბილისი ალტერ ვიჟენის“ ფარგლებში შედის. კონცერტის ორგანიზატორებმა საინტერესო სინთეზი გააკეთეს – თანამედროვე მუსიკის პოპულარიზაციის მიზნით, უკვე ცნობილი და საყვარელი მომღერლები დუეტში იმღერებენ ახალბედა შემსრულებლებთან და ჯგუფებთან ერთად. მონაწილეები არიან: ლექსენი და ჯგუფი „კეტრინ ენდ მი“, სოფო ხალვაში და „ეიბისი“, მაია დარსმელიძე და „რემა“, თიკა ფაცაცია და „პორნოპოეზია“, ეკა მამალაძე და „ფორესტი“, სალომე კორკოტაშვილი და „მირორ ილუჟენი“, ირინა თაბორიძე და „ზი ჯორჯიანსი“. კონცერტი საქველმოქმედო ხასიათს ატარებს. ბილეთებიდან შემოსული თანხა მთლიანად გადაერიცხება 4 წლის გიორგი ციტურს, რომელიც ანგიონეირომიით არის დაავადებული და სასწრაფო ოპერაცია ესაჭიროება უცხოეთში. კონცერტის პროდიუსერია ირაკლი ნადარეიშვილი, მუსიკალური პროდიუსერები კი – აჩიკო გულედანი და ბექა ჯაფარიძე.


скачать dle 11.3