მიშა ანდღულაძე ბიჭის მამა გახდა
„შაბათის შოუს“ სტუდიის ერთ-ერთი ყველაზე გამორჩეული სახე მიშა ანდღულაძე მამა გახდა. მიშას შვილი 21 თებერვალს ჩაჩავას კლინიკაში დაიბადა. პატარა სამი კილოგრამი და ხუთასი გრამი იყო. ფიზიოლოგიურმა მშობიარობამ ძალიან კარგად, გართულებების გარეშე ჩაიარა, რისი მოწმეც თავად მიშაც გახდა. ის მეუღლის მშობიარობას დაესწრო. მიშამ შვილს ბიბლიური სახელი – მოსე დაარქვა.
მიშა ანდღულაძე: მშობიარობაზე დასწრება არ გამჭირვებია. პროფესიით სტომატოლოგი ვარ და ეს ძალიან გამომადგა, ბოლომდე ღირსეულად გავძელი და შვილის გაჩენას ვუყურე. ჩემი მეუღლე და შვილი უკვე სახლში არიან და თავს კარგად გრძნობენ.
ვის ჰგავს პატარა მოსე? – ამ კითხვაზე პასუხის გაცემისგან მიშამ თავი შეიკავა და გვითხრა, ამას ზუსტად ერთი წლის შემდეგ გეტყვითო. ჟურნალის სახელით ვულოცავთ წყვილს შვილის შეძენას. პატარა მოსეს კი ჯანმრთელობასა და ბედნიერებას ვუსურვებთ მშობლებთან ერთად.