ირაკლი ფირცხალავას ავტომობილი გაუტეხეს
რუსეთში მოღვაწე ცნობილი მომღერალი ირაკლი ფირცხალავა რთული და პასიური პერიოდის შემდეგ კვლავ გააქტიურდა. სიმღერების ჩაწერისა და კონცერტებში მონაწილეობის გარდა, ოცდათორმეტი წლის მომღერალი საკუთარ გარეგნობაზეც ბევრს ზრუნავს. თუმცა, ფიტნეს კლუბში ბოლო ვიზიტის დროს მას უსიამოვნება შეემთხვა. მისი ახალი, თეთრი „აუდი ა5-დან“ ოცდახუთი ათასი რუსული რუბლი ამოიღეს, რასაც ავტომობილის უკანა საქარე მინა ემსხვერპლა. ირაკლიმ მილიცია გამოიძახა, რის შემდეგაც ავტომობილი სპეციალურ ავტოსადგომზე გადაიყვანეს. თუმცა, ქურდები ჯერჯერობით ვერ იპოვეს.