ანეგდოტები
***
მთვრალი მამაკაცი ქუჩაში მიბანცალებს. უცბად‚ ხედავს, მისკენ მიდის სამთავიანი‚ ათფეხიანი‚ ათასკბილიანი ურჩხული. მახინჯმა არსებამ მთელი ტანი შეარხია‚ კბილები გაილესა‚ თათები დაძაბა და ჩასისხლიანებული თვალებით უყურებს‚ აშკარაა‚ გაგლეჯს. კაცმა ირონიულად ახედა ურჩხულს და ჩაიბურტყუნა:
– წადი‚ შენი სპილბერგის დედაც!
***
ტიპმა მაგარი „მერსედესი“ გააჩერა და სუპერმარკეტში შევიდა. 20 წუთის შემდეგ გამოვიდა და ხედავს‚ მისი მანქანის ადგილზე დანგრეული „დაიჰაცუ“ დგას და გაბზარულ საქარე მინაზე წერილია: „უბრალოდ‚ იძულებული გავხდი‚ თქვენი მანქანა წამეყვანა. თუ არ გჯერათ‚ ეცადეთ, ჩემი მანქანით რამდენიმე მეტრი მაინც გაიაროთ“.
***
მეგობრები შეხვდნენ ერთმანეთს:
– რა თავ-პირი ჩამოგტირის?
– რა ხასიათზე ვიქნები‚ ცოლმა ბებერი ვირი მიწოდა...
– კარგი‚ შენ რაღა მოგივიდა! ხომ იცი‚ რომ არც ისე ბებერი ხარ.
***
ამონაწერი წიგნიდან „ვინ ვინ არის“ – ოცი წლის შემდეგ:
„გორბაჩოვი მ. ს. – საბჭოთა კავშირის პირველი პრეზიდენტი.
ელცინი ბ. ნ. – რუსეთის პირველი პრეზიდენტი.
პუტინი ვ. ვ. – რუსეთის მეორე პრეზიდენტი‚ საბჭოთა კავშირის მეორე პრეზიდენტი“.