მართალია, რფ (ყოველ შემთხვევაში – რუსული მედია) კვლავ იმით იმართლებს თავს, რომ საქართველო არ აძლევს არც სახმელეთო და არც საჰაერო დერეფანს, რომ სომხეთს დაეხმაროს შეიარაღებით მაინც (თითქოს არ იცოდნენ, რომ საქართველომ ორივე მეზობელს უთხრა უარი, გამოიყენონ საქართველოს მიწა და ცა იარაღის გადასატანად, რაც ძალზე მართებული გადაწყვეტილებაა!), მაგრამ, ამასობაში, აზერბაიჯანის არმია აშკარად უფრო ბრძოლისუნარიანადაა განწყობილი.

  ან კი როგორ არ იქნება, როდესაც ზურგს თურქეთი უმაგრებს?! მეტიც – თურქული სახელმწიფო დაუფარავად აცხადებს, რომ აზერბაიჯანის ტერიტორიული მთლიანობა უნდა აღდგეს და რომ მოლაპარაკებებს აზრი არ აქვს.

  ჰოდა, აი, თუკი აზერბაიჯანმა შექმნა პრეცედენტი დაკარგული ტერიტორიის ნაწილის მაინც ომით დაბრუნების (არადა საქმეს, სწორედ, ასეთი პირი უჩანს!), ჩვენ რას ვგეგმავთ, როდესაც არსენალში მხოლოდ „გირჩელების“ მიერ ოკუპანტებისთვის უკანა ხედის ჩვენების გამოცდილება გვაქვს?!