პასუხი: ნალკრომი ანტიალერგიული საშუალებაა, ინიშნება ექიმის მიერ კვებითი ალერგიების, ალერგიული ბრონქიტების, ბრონქული ასთმისა და სხვადასხვა დაავადების დროს.

პასუხი: დაუყოვნებლივ მიმართეთ გასტროენტეროლოგს, გამოსარიცხია დუოდენიტი (12-გოჯა ნაწლავის ანთება).

პასუხი: ექსტრასისტოლური არითმია არითმიის ყველაზე გავრცელებული ტიპია. მას ადამიანი შეიგრძნობს როგორც გულის „შეფრთხიალებას“, ძლიერ დარტყმას. თუ ადამიანი ახალგაზრდა და ჯანმრთელია, არითმია განსაკუთრებულ ჩარევას არ მოითხოვს. მიზეზი შეიძლება, იყოს როგორც პათოლოგიური – კარდიული (გულთან დაკავშირებული), ისე არაკარდიულიც (გულთან დაუკავშირებელი) და არაპათოლოგიურიც. ექსტრასისტოლა შეიძლება ჯანმრთელ ადამიანსაც აღენიშნებოდეს სხვადასხვა ვითარებაში, თუნდაც ემოციის გავლენით, დიეტაზე ყოფნის ან ზედმეტი ვარჯიშის გამო. დიფერენცირებისთვის კარდიოლოგის კონსულტაცია აუცილებელია. კალიუმით მდიდარია რძის ნაწარმი, ბანანი, კარტოფილი, ატამი, გარგარი, ფორთოხალი, მარწყვი, ქლიავის ჩირი, ფინიკი, ლობიო, ბარდა.

პასუხი: სტატურანი არის ზღვის ღრუბელას ექსტრაქტი, არსებული ანოტაციის თანახმად, პრეპარატის მიღებისას სიმაღლეში ზრდა მიმდინარეობს ორგანიზმში ნივთიერებათა ცვლისა და ფარისებრი ჯირკვლის ფუნქციის მოწესრიგების გზით. სტატურანი იოდის შემცველი პრეპარატია, ამიტომ მისი მიღების უკუჩვენებას წარმოადგენს იოდის აუტანლობა. უმჯობესია, დადგინდეს ზრდის შეფერხების მიზეზი და მედიკამენტის მიღება შეთანხმებული იყოს ენდოკრინოლოგთან.