მართალია, ყველას პირზე აკერია ილონ მასკის სახელი, რომელიც ისეთ ნანინანატრ ჩიპებს ჰპირდება კაცობრიობას, მანქანებზე გამძლეები და ნაყოფიერად მშრომელები იქნებითო (ცნობისთვის: მე ამ ამბავში გარევას არ ვაპირებ, ძალიანაც მაკმაყოფილებს თიხის ის ჭურჭელი, რომლისგანაც შემოქმედმა მომზილა), მაგრამ, რატომღაც, არავინ ლაპარაკობს იმაზე, რომ, სულ რაღაც, 2020 წლის მაისში ილონ მასკმა ინტერვიუში (რომელშიც ჩიპებსა და მარსზეც ისაუბრა), თუმცა პანდემიის არც მას სჯერა (პანდემია მაშინაა, როდესაც ახალგაზრდა და ჯანმრთელი ადამიანები იღუპებიან ვირუსისგანო), აღნიშნა, რომ მოხარულია, რაკი ადამიანებმა აშშ-ში ხელების დაბანა ისწავლეს და ნიღბების ტარებაც (სურდოიანები სახეში არ შემოგაცემინებენო), ხოლო, თუ გავიხსენებთ, რომ ჩვენში ბევრი უჩიოდა და თავზე ნაცარს იყრიდა, ქართველებმა არც ხელების დაბანა იციან და არც ეთიკის წესები (იგულისხმებოდა, განსხვავებით დასავლელებისგანო), როგორც ჩანს, ამ დედამიწაზე ერთი და იგივე პრობლემებია. ასე რომ, ვფიქრობ, დროა, ნაცარს მაინც მიმართულება შეეცვალოს.