არსებობს ყურძნით მკურნალობის პრაქტიკა და მას ამპელოთერაპია ეწოდება. ყურძენი მდიდარია გლუკოზით, რომელიც აუმჯობესებს სისხლის ფორმულას. ამპელოთერაპია ამარცხებს გულის უკმარისობას, სასუნთქი გზების ქრონიკულ დაავადებებს და ორგანიზმში სისხლის ნაკლებობას. ყურძენი შეიცავს ორგანულ მჟავებს, რკინას, ალუმინს, A, B და C ვიტამინებს, ფერმენტებსა და ფიტონციდებს. ასევე, მდიდარია ბიოტინებით, რომლებიც ძალიან სასარგებლოა კანის, თმისა და ფრჩხილებისთვის. აწესრიგებს ძილს, იმუნურ სისტემას ამყარებს და აჯანსაღებს ორგანიზმს.  300 გრამი ყურძენი, დღეში 2-3-ჯერ უნდა მიიღოთ, ჭამამდე 30-40 წუთით ადრე.

  ყურძნის დიეტა – ამ დიეტით კი, ოთხი დღის განმავლობაში, შეგიძლიათ დაიკლოთ 2 კილოზე მეტი და ამასთან, აივსოთ ენერგიით ორგანიზმი კი შლაკებისგან გაწმინდოთ. პირველ დღეს უნდა მიირთვათ ნახევარი კილოგრამი ყურძენი, მეორე დღეს – 1.5 კილოგრამი, მესამე და მეოთხე დღეს კი – 2 კილოგრამი ყურძენი გაყავით 5-6 თანაბარ ნაწილად და მიირთვით დღის განმავლობაში. დიეტისთვის, შეარჩიეთ წიპწიანი ყურძენი. იგი შეიცავს პოლიფენოლს, რომელიც კანის დაბერების პროცესს უშლის ხელს.

დიეტის დროს, სვით დღეში 2 ლიტრამდე წყალი და მოერიდეთ ალკოჰოლს.