პასუხი: სტრიების მოშორება სახლის პირობებში შეუძლებელია. სპეციალური კრემები კი მხოლოდ ატენიანებს კანს და შეიძლება, სტრიები ნაკლებად ხილვადი გახადოს. საქმე ისაა, რომ კანის დასატენიანებლად სულაც არ გჭირდებათ სტრიების მოსაშორებელი სპეციალური, ძვირად ღირებული კრემის შეძენა. ზუსტად იგივე ეფექტი ექნება ნებისმიერ დამატენიანებელ საშუალებას.

პასუხი: გამომშრალ თმას ზეითუნის ზეთი ატენიანებს და ბზინვარებასაც მატებს. ზეთი შეათბეთ და თანაბრად გადაინაწილეთ თმაზე. შეიხვიეთ პირსახოცით, ნახევარი საათის შემდეგ კი ჩამოიბანეთ თბილი წყლითა და შამპუნით. პროცედურა გაიმეორეთ ყოველ კვირას.

პასუხი: გოგრა შეიცავს A და B ვიტამინებს, თუთიას, ნიაცინსა და ფოლიუმის მჟავას. ამ ნივთიერებების კომბინაცია აუმჯობესებს სისხლის მიმოქცევას, განაახლებს კანის უჯრედებს და სასარგებლოა აკნეს მკურნალობისთვის. თუთია აკონტროლებს კანის ცხიმიანობას, ხოლო A და B ვიტამინები ხელს უწყობს აკნეს ნაწიბურების ალაგმვას კანიდან. გახეხეთ გოგრის რბილობი და წაისვით სახეზე. გაიჩერეთ ნახევარი საათით და შემდეგ, თბილი წყლით ჩამოიბანეთ. უმჯობესია, პროცედურა საღამოს საათებში, ძილის წინ გაიკეთოთ.