მოგახსენეთ, რომ ქართველი საზოგადოების ნაწილი ფრიად აღფრთოვანებულია ბელარუსი ხალხის გმირობით, მაგრამ საქმეს ისეთი პირი უჩანს, რომ აღფრთოვანება ამ ნიშნულზე არ გაჩერდება.

გასულ კვირას ბელარუსის საავტომობილო ქარხნის („ბელაზი”) მუშამ (სახელად – ანატოლიმ) რუს ტელეწამყვან ვლადიმირ სოლოვიოვს „იუთუბის“ არხის ეთერში, არც მეტი, არც ნაკლები, თავისი გენიტალია უჩვენა!

  საქმე კი შემდეგნაირად იყო: ვლ. სოლოვიოვმა ხსენებული მუშა ეთერში ჩართო და ჰკითხა, აბა, რა ხდება ქვეყენაში, რას ამბობენ ქარხანაში, რამდენ ხანს გაგრძელდება გაფიცვა?

  პასუხად მუშა ანატოლიმ კამერა სასირცხოსთან მიიტანა და მთელ ეკრანზე გამოაჩინა. ვლ. სოლოვიოვი არ დაბნეულა, რესპონდენტი შეაქო, თუმცა ჩართვა გათიშა. აქვე შეგახსენებთ, რომ მანამდე რუსმა ჟურნალისტმა ბელარუს ხალხს მიმართა და მოუწოდა, არ აჰყოლოდნენ დასავლეთს და არ მიეცათ მათთვის ქვეყნის მოპარვის უფლება.

  თუმცა პირადად მე ახლა იმაზე ვწუხვარ, ჩვენებურ „გირჩელებს“ რომ კონკურენტები გამოუჩნდნენ და ვშიშობ, ისევ არ ჩალაგდნენ საოკუპაციო ხაზთან და აწ უკვე უკანალების ნაცვლად, თავიანთი გენიტალიები არ გამოამზეურონ კავკასიაში (ანუ შენ მოგეცა, ანატოლი, ჩვენი ცოდვა!)