პასუხი: როდესაც საქმე სუნამოს შენახვას ეხება, გარემო გადამწყვეტი ფაქტორია. სუნამოს არ უყვარს ტემპერატურის მკვეთრი ცვლილება – სიცხიდან სიცივეში გადატანა ან – პირიქით. ასეთი ცვლილება ბუნებრივი ინგრედიენტების ქიმიურ რეაქციებს ააქტიურებს, შედეგად კი, სუნამო მალე ძველდება და თქვენს ფავორიტ ტონებს კარგავს. სუნამოს შესანახად იდეალურია მზის პირდაპირი ზემოქმედებისგან დაცული ადგილი, სადაც შენარჩუნებულია ოთახის ბუნებრივი ტემპერატურა.

პასუხი: ზოგადად, ხვეული თმა ბუნებრივად მშრალია. ყოველდღიური დაბანით კი თმა კიდევ უფრო იფიტება და შრება. შედეგად გაუხეშებულ, გაბურძგნულ ხვეულებს მიიღებთ. ამიტომ, მინიმალურად შეამცირეთ შამპუნის გამოყენება – ხვეული თმისთვის კვირაში 2-3-ჯერ დაბანა სრულიად საკმარისია. ასევე, გაითვალისწინეთ, რომ შეუძლებელია ხვეულ თმას ბრწყინვალება კონდიციონერის გარეშე შეუნარჩუნოთ. დამატენიანებელი სითხე დაგეხმარებათ თმის გამოკვებაში, დარბილებასა და დაცვაში. მხოლოდ შამპუნით თმას გაასუფთავებთ, თუმცა მნიშვნელოვანია მისი შემდგომი დატენიანება. უპირატესობა მიანიჭეთ ისეთ ინგრედიენტებს, როგორებიცაა: ქოქოსის ცხიმი, შიის კარაქი, ალოე ვერა და არგანის ზეთი. ხვეულ თმას არ ჰყოფნის მხოლოდ კონდიციონერით დატენიანება. აუცილებელია დაბანის შემდეგ სუფთა თმაზე ისეთი საშუალებების დატანება, როგორებიცაა თმის ზეთი და სპეციალური კრემები. ეს პროდუქტები იცავენ ხვეულებს ნაადრევი დაშლის, აწეწვის, მზის სხივების ზემოქმედებისა და გამოშრობისგან.