პასუხი: მნიშვნელოვანია, შეშუპება მშობიარობამდეც გქონდათ თუ პირველად მშობიარობის შემდეგ გამოვლინდა. აუცილებელად გესაჭიროებათ ნეფროლოგის კონსულტაცია, შარდის საერთო ანალიზი, სისხლში კრეატინინისა და საერთო ცილის განსაზღვრა. ზოგადად, მდგომარეობა საყურადღებოა, მაგრამ არა – საშიში. თუმცა საჭიროა გამოკვლევა და შეშუპების მიზეზის დადგენა.

პასუხი: უნდა მისცეთ საბავშვო წყალი, რომელიც იყიდება ბავშვთა კვების მაღაზიებში. თუმცა წყალზე მოთხოვნილება ბავშვს დამატებითი საკვების მიცემის შემდეგ უჩნდება.

პასუხი: როცა ხალი ზომაში იზრდება, ეს მის აქტივაციაზე მიუთითებს და აუცილებელია დერმატოლოგ-ონკოლოგის კოსულტაცია. ხალიდან პინცეტით თმის მოშორებაც არ არის რეკომენდებული (ხალის ტრავმირების გამო). ხალებიან მიდამოზე ეპილაცია არ კეთდება, ხალი იფარება პლასტირით ან სპეციალური ფანქრით. უნდა ერიდოთ მზის პირდაპირ სხივებს.

პასუხი: შარდვის გახშირების მიზეზებია: დიდი რაოდენობით წყლის მიღება, შარდის ბუშტისა და საშარდე გზების ინფექცია, შარდის შეუკავებლობა, პროსტატის – წინამდებარე ჯირკვლის გადიდება, რომელიც არ არის დაკავშირებული სიმსივნესთან, ანუ პროსტატის კეთილთვისებიანი ჰიპერპლაზია (მამაკაცებში), ქვედა საშარდე გზებში კენჭის (კონკრემენტის) არსებობა. დიაგნოზის დაზუსტებისთვის უროლოგთან ვიზიტი აუცილებელია.