პასუხი: ხალხში გავრცელებულია მოსაზრება, რომ შავი გიშერი ადამიანს გათვალვისგან იცავს, გათვალვის შემთხვევაში კი იბზარება, თუმცა, ეს, რა თქმა უნდა, ცრურწმენაა. გაბზარვის მიზეზი შესაძლოა, იყოს თვითონ ქვის ხარისხი და არა ავი თვალი. რაც შეეხება გიშრის ჯვარს, შეგიძლიათ, თამამად ატაროთ ის.

პასუხი: ასეთი საგნები არა მხოლოდ მოქმედებს, არამედ ამახინჯებს კიდევაც ადამიანის სულს, განსაკუთრებით მოზარდებისას, რომლებიც მგრძნობიარენი არიან ყველაფრის მიმართ და ასევე, ცოდვიანი საგნების მიმართაც. ამიტომ უფრთხილდით სახლში ღვთისმგმობი ლიტერატურის არსებობას, სიგარეტის კოლოფებს, ბანქოს (კარტს), ეროტიკულ ჟურნალებსა და ასე შემდეგ.

პასუხი: როგორც წესი, ქრისტიანულ ოჯახებში ბავშვებს არქმევენ არა ოჯახის წევრების, არამედ წმიდანების სახელებს. რაც შესაძლოა, იმ ოჯახის წევრსაც ჰქვია. ვერანაირად ვერ გაიზიარებს ბავშვი მოსახელე ოჯახის წევრის ბედს. თითოეული ადამიანი თვითონ ირჩევს თავის გზას და მის მიერ ქმნილი კარგი თუ ავი საქციელით განისჯება, რომელი სახელისაც არ უნდა იყოს ის.

პასუხი: თქვენი გარდაცვლილი ახლობლის მიწიერი ცხოვრებისეული ცოდვები უფლისა და მხოლოდ იმ ადამიანის საიდუმლოა. თქვენ ხომ არ იცით, იქნებ მან სიკვდილის წინ ღმერთის წინაშე მოინანია შეცოდება. ამიტომ თქვენი ვალია, იზრუნოთ მის სულზე. დაივიწყეთ გულისტკენა და ილოცეთ, მხოლოდ ასე ჰპოვებთ სიმშვიდეს.

პასუხი: არც თვითმკვლელობა და საერთოდ, არანაირი ცოდვა შთამომავლებზე არ გადადის. ყოველი ადამიანი თვითონ აგებს პასუხს თავის ცოდვებზე. თუმცა, გახსოვდეთ, რომ თქვენი სულის ცხონებისთვის აუცილებელია, იცხოვროთ ქრისტიანულად: ილოცეთ, დაიცავით მარხვა, ეზიარეთ და აკეთეთ ბევრი სიკეთე.