კატალოგი
პოლიტიკა
ინტერვიუები
ამბები
საზოგადოება
მოდი, ვილაპარაკოთ
მოდა + დიზაინი
რელიგია
მედიცინა
სპორტი
კადრს მიღმა
კულინარია
ავტორჩევები
ბელადები
ბიზნესსიახლეები
გვარები
თემიდას სასწორი
იუმორი
კალეიდოსკოპი
ჰოროსკოპი და შეუცნობელი
კრიმინალი
რომანი და დეტექტივი
სახალისო ამბები
შოუბიზნესი
დაიჯესტი
ქალი და მამაკაცი
ისტორია
სხვადასხვა
ანონსი
არქივი
ნოემბერი 2020 (103)
ოქტომბერი 2020 (210)
სექტემბერი 2020 (204)
აგვისტო 2020 (249)
ივლისი 2020 (204)
ივნისი 2020 (249)

№30 ჟელატინი – ნაოჭების გასასწორებლად და თმის მოცულობისთვის

ნინო კანდელაკი ანი რევია

  ასაკის მატებასთან ერთად კანი კარგავს სიმტკიცეს და ჩნდება ნაოჭები, თმა კი შეთხელებას იწყებს. თუმცა, ამ პროცესის შენელება შესაძლებელია, რაშიც სხვადასხვა სპეციალური ნიღბები გვეხმარება. უმჯობესია, არჩევანი საშინაო ნიღბებზე შეაჩეროთ და კანის სტრუქტურის გასაუმჯობესებლად სხვადასხვა ნატურალური პროდუქტის კომბინირებით მიღებული ეფექტური საშუალებები გამოიყენოთ, რაც მოკლე დროში დაუბრუნებს თქვენს კანს სიმტკიცეს, გაგაახალგაზრდავებთ ვიზუალურად და თმასაც შესაბამის მოცულობას შეუნარჩუნებს. ამაში კი ჟელატინის ნიღბები დაგეხმარებათ. ის ერთგვარი ნატურალური კოლაგენია, დენატუირებული ცხოველური ცილა, რომელიც სახის კანის გამაახალგაზრდავებელი ნიღბებისა და თმის მოსავლელი საშუალებების ერთ-ერთი უმთავრესი კომპონენტია. ჟელატინი საკმაოდ ხელმისაწვდომია და რეცეპტიც – მარტივად მოსამზადებელი.
  ჟელატინის ნიღაბი ნაოჭების გასაგლუვებლად – 2 სუფრის კოვზ ჟელატინს, დაუმატეთ 2 სუფრის კოვზი წყალი და შედგით მიკროტალღურ ღუმელში, 30 წამით. რომ გაფუვდება, დაუმატეთ 1 სუფრის კოვზი თაფლი, 1 სუფრის კოვზი რძე და 1 სუფრის კოვზი დაქუცმაცებული ნახშირი, რომელიც აფთიაქში იყიდება. ამოურიეთ და შედგით კვლავ ღუმელში 10 წამით. როდესაც ნარევი ოდნავ გაგრილდება, კარგად წაისვით სახის კანზე, კოსმეტიკური ფუნჯის გამოყენებით, დაიტოვეთ სამოქმედოდ 20-30 წუთით და შემდეგ, ჩამოიბანეთ თბილი წყლით. ეს ნიღაბი, არაჩვეულებრივად წმენდს ფორებს ჭუჭყისა და სიბინძურისგან, ჭიმავს სახის კანს და ნაოჭებს ნაკლებად შესამჩნევს ხდის. სასიამოვნო ცვლილებები უკვე პირველი პროცედურის შემდეგ იქნება თვალსაჩინო. გაიკეთეთ ნიღაბი კვირაში 2-ჯერ, რათა ნაოჭები ძალიან მალე გახდეს ნაკლებად შესამჩნევი.
  თუ გსურთ, ზუსტად ერთ ღამეში დაუბრუნოთ თმას საოცარი მოცულობა და ბზინვარება, აუცილებლად სცადეთ ჟელატინის ნიღაბი. თმის შეთხელება და გაყოფილი ბოლოები – ეს უსიამოვნო პრობლემები ძალიან მალე წარსულში დარჩება. თმის გასაჯანსაღებლად და მისი ძირების გასაძლიერებლად დაგჭირდებათ მხოლოდ ორი კომპონენტი – ჟელატინი და თმის ნებისმიერი ბალზამი.
  ჟელატინის თმის ნიღაბი –  4 სუფრის კოვზი ჟელატინი გაადნეთ წყლის აბაზანაზე. როდესაც გამდნარი ჟელატინი ოდნავ გაგრილდება, დაუმატეთ 2 სუფრის კოვზი ბალზამი და კარგად მოურიეთ. მიღებული ნარევით დაიმუშავეთ თავის კანი და თმა მთელ სიგრძეზე, გაიჩერეთ რამდენიმე წუთით და ჩამოიბანეთ. თუ ამ პროცედურას კვირაში ერთხელ ჩაიტარებთ, მიანიჭებთ თქვენს თმას დამატებით მოცულობას, გაიჯანსაღებთ თავის კანსა და თმის ძირებს, დააჩქარებთ მისი ზრდის პროცესს და არც ქერტლი შეგაწუხებთ.
скачать dle 11.3