ის, რომ 1888 წელს ვან გოგმა ყური მოიჭრა, ყველასთვის ცნობილი ფაქტია. თუმცა, შესაძლოა, ბევრმა არ იცოდეს, რატომ გააკეთა ეს. მიუხედავად იმისა, რომ დღემდე ბუნდოვანია ის გარემოებები, რომლის დროსაც ვან გოგმა ყური მოიჭრა, არაერთ ექსპერტს სჯერა, რომ ეს არლის ყვითელ სახლში პოლ გოგენთან ცხარე კამათის შედეგად მოხდა. ზოგიერთ ისტორიკოსს ასევე სჯერა, რომ ვან გოგს, ყური გოგენმა მოაჭრა და შემდეგ მათ ვან გოგისთვის დაბრალება გადაწყვიტეს, რადგან ასე გოგენი პოლიციისგან თავის დახსნას შეძლებდა. საბოლოოდ, ვან გოგმა თავისი მოჭრილი ყური კოხტად გაახვია და მსუბუქი ყოფაქცევის ქალს აჩუქა.