პასუხი: გასწავლით, გამაახალგაზრდავებელ, საშინაო პირობებში ადვილად მოსამზადებელ, უნივერსალურ კრემის რეცეპტს, რომელიც საგრძნობლად აახალგარდავებს კანს. დაგჭირდებათ: 100 გრამი ნაღები, ერთი კვერცხის გული, 1 სუფრის კოვზი თაფლი, 1 ჩაის კოვზი ლიმონის წვენი, 2 სუფრის კოვზი კონიაკი. ბლენდერის გამოყენებით ყველა ინგრედიენტისგან მოამზადეთ ერთგვაროვანი მასა. ყოველ საღამოს, გაწმენდილ სახის კანზე წაისვით თხელ ფენად, რამდენიმე წუთის განმავლობაში იკეთეთ მსუბუქი მასაჟი თითის ბალიშებით და დაიტოვეთ, დაახლოებით, 1 საათით. შემდეგ ჩამოიბანეთ თბილი წყლით. კრემი უნდა შეინახოთ მინის ქილაში, მაცივარში. კვირაში 3 პროცედურა სავსებით საკმარისი იქნება, რათა ძალიან მალე სასიამოვნო ცვლილებები მოახდინოს – ნაოჭები ნაკლებად შესამჩნევი გახდება, კანის ტონი გათანაბრდება, დაიბრუნებს სიმტკიცეს და სიმკვრივეს.

პასუხი: გაპარსვის ან დეპილაციის პროცედურის შემდეგ კანის გაღიზიანება თავიდან რომ აირიდოთ, გამოიყენეთ სარეცხი საპონი.

პასუხი: მოხარშეთ 3 სუფრის კოვზი ბრინჯი. სითხე გადაღვარეთ სუფთა ჭურჭელში (ის მომდევნო ეტაპისთვის დაგჭირდებათ), ხოლო მოხარშული ბრინჯი გამდინარე, ცივ წყალს რამდენიმე წუთით შეუშვირეთ. ბრინჯს დაუმატეთ 1 სუფრის კოვზი რძე და 1 სუფრის კოვზი ნატურალური თაფლი. ურიეთ იქამდე, სანამ ყველა ინგრედიენტი ერთმანეთში ბოლომდე არ გაიხსნება. წაისვით სახის კანზე, კისერზე და დეკოლტის ზონაზე. 30 წუთის შემდეგ ჩამოიბანეთ ბრინჯის ნახარშით. თუ ამ პროცედურას კვირაში ერთხელ ჩაიტარებთ, ხანმოკლე დროში შენიშნავთ, როგორ მცირდება ნაოჭები და კანი გლუვი ხდება. მოცემული საშუალება ნამდვილად დაუბრუნებს თქვენს კანს სიმტკიცესა და ელასტიკურობას, კარგად დაატენიანებს და გამოკვებავს მას, რაც ახალგაზრდობისა და სილამაზის ღრმა სიბერემდე შენარჩუნებაში დაგეხმარებათ.