პასუხი: სიცრუე ცოდვაა, მცირეა ის თუ დიდი, რადგან პატარა სიცრუეს ბოლოს დიდი სიცრუისკენ მივყავართ. ყველაფერი – კარგიც და ცუდიც მცირედან იწყება. თუ უფალს გულმხურვალედ ვთხოვთ, დავინახავთ, რომ შესაძლებელია ნებისმიერი სიტუაციიდან ტყუილის გარეშე გამოსვლა. წმიდა მამების რჩევით, როდესაც არ გვსურს სიმართლის ან სიცრუის თქმა გარკვეული მიზეზების გამო, უნდა ვთქვათ: „არ ვიცი“. როდესაც სიმართლის თქმამ შეიძლება, საფრთხე შეუქმნას ადამიანს ან ვნება მიუტანოს, ასეთ დროს დუმილი სწორი საქციელია.

პასუხი: როდესაც ადამიანი დილისა და საღამოს ლოცვებს ან საგალობლებისა და დაუჯდომელის კითხვას დამოუკიდებლად იწყებს, ეს მისასალმებელია. ზოგადად, ლოცვების წაკითხვის სურვილი ღვთის ნებით ჩნდება. ლოცვა ყოველთვის გაგაძლიერებთ, რადგან ამ დროს უფალთან ახლოს ხართ: ასევე, გახსოვდეთ, რომ მხოლოდ სახლში ლოცვით არ უნდა შემოიფარგლოთ, უნდა მიხვიდეთ ეკლესიაში და მრევლთან ერთად შესთხოვოთ უფალს. უდიდესი ძალა აქვს მორწმუნეების ერთად ლოცვას. ერთობლივი ლოცვა ადვილად დაამარცხებს ბოროტს. მოძღვართან ურთიერთობით კი გეცოდინებათ, რომელი ლოცვების წაკითხვაა თქვენთვის უკეთესი, რათა გაძლიერდეთ და სული დაიმშვიდოთ.

პასუხი: დაიცვათ თუ არა მარხვა, ეს დამოუკიდებლად ან ოჯახის წევრების რჩევით კი არა, მოძღვართან შეთანხმებით უნდა გადაწყვიტოთ. მოძღვარმა შესაძლოა, თქვენი მდგომარეობის გათვალისწინებით, მარხვა შეგიმსუბუქოთ. საერთოდ, ნებისმიერი პრობლემის ან, თუნდაც, ჩვეულებრივი ცხოვრებისეული საკითხის დროს გაესაუბრეთ მოძღვარს და ჰკითხეთ რჩევა, თქვით აღსარება, ეზიარეთ. ეს გაგაძლიერებთ და დაგანახვებთ სწორ გზას. ეკლესიურობა თქვენს ოჯახსაც გააძლიერებს. მოძღვრის ლოცვა-კურთხევა თქვენი ოჯახის მომავალს კეთილად წარმართავს.

პასუხი: დიახ, თქვენ შეგიძლიათ, თქვენი დედ-მამა ლოცვებში ერთად მოიხსენიოთ და პანაშვიდიც ერთად გადაუხადოთ, რადგან, მიუხედავად იმისა, რომ ერთად არ ცხოვრობდნენ, ისინი თქვენი  მშობლები არიან.

პასუხი: შეკვეთილი წირვის ჩატარება უფრო მნიშვნელოვანია მისი სულისთვის, თუმცა, რა თქმა უნდა, საფლავსაც უნდა მოუაროთ.