სავარაუდოდ, იმიტომ, რომ ერთი დრო არც არავის შერჩენია, ჩუვაშეთის ყოფილი მეთაური იგნატიევი (ის 2010-2020 წლებში ხელმძღვანელობდა რფ-ის ამ ავტონომიას) პრ.-მა პუტინმა იმ ვიდეო-კადრების შემდეგ გაათავისუფლა თანამდებობიდან, როდესაც ის საგანგებო სამსახურის თანამშრომელს (ტანად იგნატიევზე დაბალს) გაეანგლა და მანქანის გასაღების მიწვდენას აიძულებდა, რომელიც მაღლა აწეულ ხელში ეჭირა.

  ჩუვაშეთის მეთაური ამ ინციდენტიდან ერთ კვირაში გააძევეს საპრეზიდენტო პარტია „ედინაია როსიიდანაც“ და პუტინმა ის თანამდებობიდანაც გაათავისუფლა. მეორე მხრივ, ფაქტია, რომ იგნატიევი არასწორად მოიქცა, თუმცა მან სასამართლოში გაასაჩივრა თანამდებობიდან გადაყენება, ანუ რფ-ის პრეზიდენტის განკარგულება. რუსეთის უზენაესი სასამართლოს სხდომა 20 ივნისს უნდა გამართულიყო, ოღონდ ისე მოხდა, რომ მოსარჩელეს კორონავირუსი შეეყარა და იგნატიევი 18 ივნისს გარდაიცვალა. ოფიციალური ვერსიით: კორნავირუსით!

  ბუნებრივია, ჩვენ ვერასდროს გავიგებთ დანამდვილებით, რა როლი შეასრულა კორონავირუსის პანდემიამ ამ საქმეში, თუმცა, თუ ამ ფაქტს დავუმატებთ იმას, რომ აქამდე არც რომელიმე ავტონომიის ხელმძღვანელს და არც რომელიმე თანამდებობის პირს პრ. პუტინის ამგვარი განკარგულებები არ გაუსაჩივრებია, წყალგაუსვლელად ის მაინც შეგვიძლია, ვთქვათ, რომ უახლოეს მომავალში მსგავსი აზრი რფ-ის ტერიტორიაზე თავში არც არავის მოუვა (თუმცა ზემოთ ნათქვამი, რომ ერთი დრო არავის შერჩენია, ცხადია, ყველაზე ვრცელდება).