ერთხელ ფიზიკა-მათემატიკის ფაკულტეტის პროფესორმა გადაწყვიტა მათემატიკურად აეხსნა სტუდენტებისთვის, რომ ჯერ აღზრდაა მნიშვნელოვანი და მერე განათლება.

მან დაფაზე დაწერა დიდი 1-იანი და ასე ახსნა:

– ესაა თქვენი ადამიანობა, - ცხოვრებაში ყველაზე აუცილებელი თვისება.

შემდეგ მიაწერა 0:

– ეს თქვენი მიღწევებია, რომლებმაც ადამიანობასთან ერთად ერთი ათად გაგზარდეს.

კიდევ 0-ს თუ მივუწერთ, ანუ გამოცდილებას, გახდებით 100-ჯერ უფრო ფასეული.

ასე ამატებდა ნულებს პროფესორი: წინდახედულობის, წარმატების, სიყვარულის და ასე შემდეგ და ამბობდა, რომ ყოველი დამატებული 0 აკეთილშობილებდა ადამიანს.

უცბად, მან წაშალა 1-იანი და დაფაზე დარჩა არაფრისმთქმელი ნულები...

პროფესორმა დასძინა: თუ არ გექნებათ ადამიანობა, დანარჩენი არაფერს ნიშნავს.