გიორგი ვასაძე: როდესაც ადამიანები დარბაზში მოდიან და თვითნასწავლ ვარჯიშებს აკეთებენ, ჩვენ პირადი მწვრთნელები მათ ყოველთვის ვაძლევთ რჩევებს, რადგან არ შეიძლება თვითნებურად ვარჯიში: სწორად უნდა შეირჩეს ტრენაჟორები, ვარჯიშის თანმიმდევრობა, რაოდენობა და შესვენებების დროც. ყველას ვურჩევ, რომ აუცილებლად გაიარონ პირად მწვრთნელთან კონსულტაცია, რომელიც პროგრამას ჩამოუწერს, დააკვირდება, რომ უკუჩვენება არ მიიღონ. თუ აქვთ შესაძლებლობა, კარგია სამი თვის განმავლობაში მაინც აიყვანონ პირადი მწვრთნელი. პირადად ჩემთან ვარჯიში არ არის სერიოზულ თანხებთან დაკავშირებული და ახლაც მაქსიმალურად ვეცდები, მიუხედავად იმისა, რომ ყველაფერი გაძვირდა, ძველი, მისაღები ფასები შევინარჩუნო, რათა ადამიანებმა შეძლონ ვარჯიში.

– ძალიან მაღალია ტრავმების ალბათობა, სახსრების პრობლემა, მყესების დაჭიმვა. ასევე, ბევრს აქვს წელთან, ხერხემალთან დაკავშირებული პრობლემები, რისთვისაც საჭიროა ექიმის კონსულტაცია. თუ გვინდა, რომ ვიყოთ ჯანმრთელები, არ გვქონდეს პრობლემები და ვარჯიში სასიამოვნო პროცესად ვაქციოთ, ამისთვის უნდა მივმართოთ მწვრთნელს. მასთან იმისთვის მივდივართ, რომ ჩვენი სხეული გაჯანსაღდეს, გამოჯანმრთელდეს, სიამოვნება მიიღოს და არა სტრესი და სხვადასხვა გართულებები. თან, დღეს, პანდემიის გამო, ადამიანები დროის დიდ ნაწილს მაცივართან ატარებენ, 6-ჯერ 7-ჯერ ჭამენ დღეში, თან, არაჯანსაღ საკვებს. შემდეგ სარკეში ჩაიხედავენ და უცებ ენერგიაზე მოდიან, ჩართავენ „იუთუბზე“ ვიდეოებს და იწყებენ ვარჯიშს. ჯერ ერთი, როგორც უნდა ივარჯიშო, დღეში 8 საათიც რომ დახარჯო, თუ სწორად, ჯანსაღად არ იკვებები, ვერანაირ შედეგს ვერ მიიღებ. პლუს ასეთი ადამიანები ეძებენ მაღალი ინტენსივობის ვარჯიშებს, ტაბატას ან კარდიოს, რომ უცებ მიიღონ შედეგი, რაც არასწორია. როგორი ძლიერი მწვრთნელიც უნდა იყოს, ის ეკრანიდან ვერ გაიგებს, როგორ რეაგირებს შენი ორგანიზმი, გული ვარჯიშებზე, როგორი ძილის რეჟიმი გაქვს, სწორად ვარჯიშობ თუ არა... საბაზისო ცოდნა უნდა გვქონდეს, რომ შემდეგ ვივარჯიშოთ დამოუკიდებლად ან, თუნდაც, ინტერნეტის დახმარებით.

– 5 რამ არის საჭირო, რომ ცელულიტი დავამარცხოთ: 1. სწორი, ჯანსაღი, დაბალასებული კვება დღეში ხუთჯერ. 2. ვარჯიშები, რომლებიც კონკრეტული ადგილებისთვის არის განკუთვნილი. 3. აუზი, ცურვა. 4. მასაჟები. 5 მოწესრიგებული ძილის რეჟიმი, რადგან ასეთ დროს ჩვენი ჰორმონული სისტემა გამართულად მუშაობს. ასეთი მიდგომა 2-3 თვეში საოცარ შედეგს მოგცემთ.

– ყველა გზა მაინც პერსონალურ მწვრთნელამდე მიდის, რომელიც ზუსტად დაგვიწერს, რა ვარჯიშები უნდა გავაკეთოთ, როგორ უნდა ვიკვებოთ, რომ გვქონდეს მკვრივი კანი, ავიწიოთ საჯდომი, გამოკვეთოთ პრესი, დავითხელოთ მკლავები, გვქონდეს წვრილი წელი და გრძელი, ლამაზი თხელი წვივები, ანუ პროპორციული სხეული. სანამ დარბაზები გაიხსნება, შეგვიძლია, ონლაინ ვივარჯიშოთ, ოღონდ მწვრთნელთან ერთად.

– ჩემთან ვარჯიშობენ ადამიანები ამერიკიდან, ირლანდიიდან, ესპანეთიდან, ისრაელიდან, ასევე, საქართველოს ბევრი რეგიონიდან. მაქვს 8-კვირიანი წონის კლების პროგრამა, რაც გულისხმობს სწორ ვარჯიშს, ჯანსაღ კვებას, ვასწავლი როგორ დაამარცხონ ცელულიტი, გამოიკვეთონ სხეულის ფორმები, დაიპატარაონ მუცელი, დაითხელონ მკლავები და სასურველ წონასთან ერთად, პროპორციულ სხეულამდე მივიდნენ. 8 კვირა ნამდვილად გვაძლევს ამის საშუალებას. ჩემი პლუსი ის არის, რომ მუდმივად ვაკონტროლებ ჩემს მომხმარებლებს, რომლებიც ფოტოებს მიგზავნიან, სადაც კარგად ჩანს ფორმების ცვლილება, წონის კლება. ამ ყველაფერს ვაკეთებთ სწორი ვიდეოვარჯიშებით, რაც გულისხმობს ინდივიდუალურ მიდგომას და ასევე, კვებით. მოწესრიგებული გვაქვს ძილის რეჟიმი, ვიღებთ შესაბამის საკვებ დანამატებს. ბევრმა დაიკლო 30, 35, 40, 43, 45 კილოგრამი, ბევრი წონას აღარც აქცევს ყურადღებას, რადგან ფორმების საოცარი ცვლილება აქვთ. ზოგი უკვე აღარ ვარჯიშობს ჩემთან, მაგრამ მაინც ვაძლევ კონსულტაციებს, რადგან ჩემთვის ძალიან მნიშვნელოვანია, ადამიანებმა ისწავლონ სწორი ვარჯიში, სწორი კვება და გამოიმუშაონ ნებისყოფა. ვისაც აქვს სურვილი, დარბაზის გახსნამდე დაიწყოს ონლაინ-ვარჯიშები, შეუძლიათ, დამიკავშირდნენ „ფეისბუქზე“ და „ინსტაგრამზე“: Giorgi Vasadze official.