პასუხი: თქვენი ასაკიდან, სქესიდან და ჩივილებიდან გამომდინარე ყველაზე ნაკლებად საფიქრებელია პოდაგრის დიაგნოზი, დიდი ალბათობით, პოდაგრაში გულისხმობთ ტერფის ვალგუსურ დეფორმაციას, რაც თქვენს ასაკში არასწორად შერჩეული ფეხსაცმლის ან ტერფის პრობლემას (ბრტყელტერფიანობა ან ტერფის მაღალი თაღის არსებობა) უკავშირდება. საჭიროებთ ორთოპედის კონსულტაციასა და ტერფის დიაგნოსტიკას.

პასუხი: კარგი იქნებოდა, რომ ტკიპა შეგენახათ და გამოკვლევა ჩატარებულიყო, იყო თუ არა ის დაავადების გადამტანი. ახლა სხვას ვერაფერს იზამთ იმის გარდა, რომ დაიმუშაოთ ნაკბენი ადგილი და დააკვირდეთ თავს: თუ ორი კვირის განმავლობაში დაგეწყებათ შეწითლება (ეს შეწითლება ჰგავს სამიზნეს – წითელი არშიაა და შუაში ამობურცული წერტილი ჩანს), თავის ტკივილი, მოგემატებათ ტემპერატურა, გექნებათ დაღლილობის შეგრძნება, დაუყოვნებლივ უნდა მიმართოთ ექიმს. დაგვიანების შემთხვევაში, ეს შესაძლოა, ძალიან საშიში იყოს.

პასუხი: ასეთი ცვლილებები რომელიმე ორგანოს ბაქტერიული ანთების მაჩვენებელია. შარდის ანალიზის მიხედვით ჩანს, რომ გაქვთ საშარდე გზების ანთება, აუცილებლად უნდა მიმართოთ ოჯახის ექიმს, რომელიც მოგცემთ დანიშნულებას.