ჩვენებურმა ფემინისტებმა, ბევრი იბრძოლეს თუ ცოტა, საქმე იქამდეც კი მივიდა, რომ მამაკაც მამოლოგთა მიერ პაციენტი ქალების გასინჯვისას წელს ზემოთ მათი გაშიშვლება ქალის უფლებების შელახვადაც შერაცხეს, შექმნილ ვითარებას კოჭებშივე შეეტყო, რომ ფემინისტებს კოჭი საცაა ალჩუზე დაუჯდებათ.

  კერძოდ, აღმოჩნდა, რომ კორონავირუსი მამაკაცებს უფრო ერჩის, ვიდრე ქალებს და არა მხოლოდ დასნებოვნების, ლეტალური დასასრულის მხრივაც, რაც იმას ნიშნავს, რომ არა მხოლოდ ნანატრი თანასწორობა-თანაბრობა მივიღეთ შედეგად, არამედ მამაკაცებს გავუსწარით კიდეც.

  აქედან გამომდინარე, ვინაიდან აღმოჩნდა, რომ ვირუსი მამაკაცებს ვერ იტანს, ხოლო, ექიმებისა და ჯანმოს მტკიცებით, ვირუსთან ერთად მოგვიწევს ცხოვრება (მამაკაცებთანაც, სავარაუდოდ). ვფიქრობ, გენდერის დროშითა და დედამიწისთვის მამაკაცთა სახეობის შენარჩუნების მიზნით, სამყაროს ძლიერ სქესად წოდებულები ქალებმა სახლებში უნდა დატოვონ (კოტრიალი ისედაც უყვართ!) და რამდენიც მათ ფემინისტურ სულსა და გულს გაუხარდება, ვირებივით იმუშაონ.