პასუხი: შემოგთავაზებთ თანამედროვე კბილის პასტებზე გაცილებით ეფექტურ და ჯანსაღ ალტერნატივას, რომელიც არაჩვეულებრივად აშორებს ნადებს, ახშობს ანთებით პროცესებს, ანადგურებს მავნე ბაქტერიებს და თავიდან არიდებს ღრძილების დაავადებებს: კარგად აურიეთ ერთმანეთში 1 სუფრის კოვზი ქოქოსის ზეთი, 2 წვეთი პიტნის ზეთი და 1 ჩაის კოვზი კურკუმას ფხვნილი და გაიხეხეთ კბილები. შემდეგ კი გამოივლეთ დიდი რაოდენობით წყალი. ჩაიტარეთ ეს პროცედურა ყოველ დილას და რამდენიმე დღეში სასიამოვნო ცვლილებებს აუცილებლად იგრძნობთ.

პასუხი: თუ გსურთ, თქვენი თმა სქელი და ძლიერი იყოს, გამოიყენეთ მდოგვისა და შაქრის ნიღაბი. ის საკმაოდ მარტივად მზადდება, თუმცა საოცარ ეფექტს მინიმალურ დროში იძლევა. მდოგვის ნიღბის პირველივე გამოყენების შემდეგ საგრძნობლად შემცირდება თმის ცვენა, ქერტლი გაქრება, თმა შეიძენს დამატებით ბზინვარებასა და გაცილებით ჯანსაღ იერსახეს. საგრძნობლად დაჩქარდება მისი ზრდის პროცესი და გასქელდება კიდეც. 2 სუფრის კოვზი მდოგვის ფხვნილი, 2 სუფრის კოვზი ცხელი წყალი, 2 სუფრის კოვზი ზეითუნის ზეთი და 2 ჩაის კოვზი შაქარი ათქვიფეთ ერთგვაროვანი მასის მიღებამდე. ეს მასა გაინაწილეთ თავის კანზე და თითის ბალიშებით გაიკეთეთ თმის ძირების მსუბუქი მასაჟი. მაქსიმალურად მოერიდეთ თმის დაბოლოებებს, დაიმუშავეთ მხოლოდ კანი და თმის ძირები. დაიტოვეთ 15-20 წუთი და შემდეგ შამპუნით ჩამოიბანეთ. გაიკეთეთ ეს ნიღაბი 1 თვის განმავლობაში, კვირაში ერთხელ, რათა თმის ცვენის პრობლემა მოგვარდეს, საფარი გასქელდეს, თმის ძირები გაძლიერდეს და გაჯანსაღდეს.