პასუხი: აღწერით ფსორიაზს ჰგავს. სწორი დიაგნოზის დასასმელად და მკურნალობის დასანიშნად ექიმთან ვიზიტია საჭირო. მანამდე შეგიძლიათ, გამოიყენოთ დიპროსალიკის მალამო – დღეში ორჯერ.

პასუხი: ზოგადად, კუჭ-ნაწლავის ტრაქტის პრობლემის დროს შესაძლებელია, ნაწლავური ფლორა ადვილად დაირღვეს და ისევ განვითარდეს დისბიოზისთვის დამახასიათებელი ნიშნები. ალბათ, კარგი იქნება, თუ ისევ გარკვეული ხნით დაინიშნება ფლორის აღმდგენი მკურნალობა ფერმენტთან ერთად. თუ თქვენი ექიმი აქ არ არის, შეგიძლიათ, დაუკავშირდეთ ონლაინ – მან ზუსტად იცის თქვენი მდგომარეობა, იცის თქვენი პრობლემა და შეძლებს, ადვილად გაერკვეს სიტუაციაში. ან გადაგამისამართებთ სხვა გასტროენტეროლოგთან.

კითხვა: ჩემი პატარა არის 2 თვის. როდესაც ვბანთ, ალბათ, ცოტა ეშინია და მუჭებს კრავს ძლიერად და ხელები სულ ულურჯდება, თქვენი აზრით, რაიმე საშიში ხომ არაა?

პასუხი: ახალშობილებს თერმორეგულაციის მექანიზმი და სისხლძარღვოვანი სისტემა ჩამოუყალიბებელი აქვთ. თქვენს შემთხვევაში, შესაძლოა, სწორედ ამის გამო იყოს სილურჯე. 3 თვის შემდეგ ნელ-ნელა გაუვლის (ბანაობის დროს ყურადღება მიაქციეთ წყლის ტემპერატურას). თუმცა, კარგი იქნება, თუ ამ ასაკის ბავშვს პედიატრს ან ნევროპათოლოგს აჩვენებთ, რომ არაფერი გამოგრჩეთ.