პასუხი: წმიდა იოანე ოქროპირის განმარტებით, მართლმადიდებლურ ეკლესიაში არანაირი მნიშვნელობა არ აქვს, ბავშვი კანონიერად არის შობილი თუ უკანონოდ. ყოველი პიროვნება მხოლოდ თავისი ზნეობრივი ღირსებებით ფასდება.

პასუხი: მორწმუნემ უნდა იცოდეს, რომ სიწმიდისგან არანაირი სენი არ გადადის და ეს შიში ეშმაკეულია. ასევე, სასწაულია, რისი მხილველნიც გამუდმებით ვხვდებით ეკლესიაში, როდესაც ზიარებაზე ასობით მაზიარებელი ეზიარება ერთი და იმავე ბარძიმიდან, ბოლოს კი მღვდელი და დიაკვანი მიიღებენ წმიდა ზიარებას, მაგრამ არ ყოფილა შემთხვევა, ვინმე დაავადებულიყოს.

პასუხი: თქვენს მეგობარს აუხსენით, რომ აღსარების დროს ჭეშმარიტად მიტევებულად ითვლება ის სინანული, რომელიც ადამიანს ცოდვას არ გაამეორებინებს, რომ მონანიებას მაშინ აქვს აზრი, თუ ადამიანი იმ ცოდვას აღარ გაიმეორებს და საბოლოოდ აღმოფხვრის.

პასუხი: ეკლესიური სწავლებით, არ არის მითითებული ბავშვებისთვის მარხვის დაწყების კონკრეტული ასაკი. ბავშვებმა  მარხვა იმ დროიდან უნდა დაიწყონ, რა დროსაც მათი რელიგიური თვითშეგნება გაიღვიძებს.

პასუხი: უფლის განგებით, „ლოცვა მართლისა შეისმინების“. როდესაც უფალს რამეს ვთხოვთ, უნდა დავფიქრდეთ, რამდენად მართლები ვართ, ამიტომ უფალს უპირველესად უნდა ვთხოვოთ ჩვენი ცოდვების შენდობა, უნდა განვიწმიდოთ სინანულით და შემდეგ შევკადროთ სათხოვარი. დანარჩენი თავად უფალმა უკეთ იცის, თუ რა გვჭირდება და რა არის ჩვენი სულისთვის აუცილებელი.

პასუხი: ასეთ დროს ადამიანი უნდა დადგეს ლოცვად და ღმერთს სთხოვოს, რათა მან აპოვნინოს გამოსავალი. ასევე, აუცილებელია, იკითხოთ წმიდა წერილი და წმიდა მამათა წიგნები, რომლებიც გამოსავალზე მიგვითითებენ. გარდა ამისა, უნდა მიხვიდეთ მოძღვართან და მას ჰკითხოთ რჩევა, თუ როგორ უნდა მოიქცეთ ამა თუ იმ სიტუაციაში.