ინდური ფილმები „ბატონი 420“ და „ავარა“ ახალი გამოსული იყო. ქართველი მაყურებელი მთავარი როლის შემსრულებელს – რაჯ კაპურს, აღმერთებდა და 1955 წელს კაპური თბილისს სტუმრად ეწვია. მას გრანდიოზული შეხვედრა მოუწყვეს რუსთაველის თეატრში. უამრავი თაყვანისმცემელი სცენაზე მყოფ მსახიობთან მიდიოდა და ყვავილების თაიგული მიჰქონდა. ამ ორომტრიალში უცებ რაჯ კაპურმა აღმოაჩინა, რომ ვიღაცამ ძვირფასი მაჯის საათი მოხსნა ხელიდან. ის-ის იყო ამის შესახებ მას თარჯიმნისთვის უნდა ეთქვა, რომ სცენაზე ავარას სამოსში გამოწყობილი ავლაბრელი ჯიბგირი ავიდა და მსახიობს საათი დაუბრუნა... ინდოელმა კინოვარსკვლავმა გაოცებისგან თავი გააქნია, გაეცინა და „დავაზვრატებული“ საათი ჯიბგირს უფეშქაშა.