პასუხი: სამწუხაროდ, თანამედროვე კოსმეტიკური პროდუქციის უდიდესი ნაწილი მხოლოდ მარკეტინგულად კარგად შეფუთულია და შედეგს არ იძლევა. სცადეთ ეფექტური და უსაფრთხო ალტრენატივა, რომლისთვისაც დაგჭირდებთ: 2 ჩაის კოვზი ვაზელინი, 1 სუფრის კოვზი ნუშის ან ზეითუნის ზეთი, 1 კვერცხის გული და 1 ჩაის კოვზი ნატურალური თაფლი. წყლის აბაზანაზე შეათბეთ ვაზელინი. გამდნარი მასა გადმოდგით ცეცხლიდან და დაუმატეთ ყველა დარჩენილი ინგრედიენტი. ურიეთ იქამდე, სანამ არ მიიღებთ ერთგვაროვან მასას. ნელი, წრიული მოძრაობებით შეიზილეთ სახის კანზე და დაიტოვეთ 30 წუთით. მოიშორეთ, მინერალურ წყალში დასველებული კოსმეტიკური ბამბით. კვირაში რამდენიმე პროცედურა სავსებით საკმარისი იქნება, რომ თქვენი სახის კანი ვიზუალურად რამდენიმე წლით გაახალგაზრდავდეს – პატარა ნაოჭები გაგლუვდება, ლაქები საგრძნობლად შემცირდება, კანი გამოიკვებება და გაიწმინდება.

პასუხი: სამწუხაროდ, სპეციალური დეოდორანტები და ანტიპესპირანტები ყოველთვის ვერ გვაძლევს სასურველ შედეგს და ამ პრობლემას სრულად ვერ უმკლავდება. გასწავლით მეთოდს, რომელიც ნამდვილად მოგცემთ შედეგს: აადუღეთ  1 ლიტრი წყალი, ჩაყარეთ მასში 30 გრამი გვირილის ყვავილები, რომელსაც აფთიაქში შეიძენთ და ადუღეთ კიდევ ორიოდე წუთის განმავლობაში. შემდეგ გადმოდგით ცეცხლიდან და როდესაც გაგრილდება, გადაწურეთ. დაამატეთ 1 ჩაის კოვზი საჭმელი სოდა და კარგად გადაურიეთ. მიღებული ნარევით დაიბანეთ იღლიები, დღეში 2-ჯერ. შეინახეთ მაცივარში, არა უმეტეს 1 კვირისა. ეს მარტივი, თუმცა, ეფექტური მეთოდი გიხსნით იღლიების ჭარბოფლიანობისგან.