პასუხი: თუ 28-დღიანი ციკლი გაქვთ, მაშინ  ოვულაციის მოსალოდნელი დღეებია მენსტრუაციის მოსვლიდან მე-12  და მე-17 დღეებს შორის პერიოდი. თუ ამას დავუმატებთ იმ სამ-სამ დღეს (ოვულაციამდე და ოვულაციის შემდეგ), გამოდის, რომ განაყოფიერებისთვის მოსალოდნელი პერიოდია მენსტუაციის მოსვლიდან მე-9–მე-20 დღეები.

პასუხი: თუ ასეთი გულისრევის შეგრძნება მხოლოდ სქესობრივი ურთიერთობის შემდეგ გაქვთ, შეიძლება ვივარაუდოთ, რომ მისი მიზეზია მომენტალური წნევის მატება, რაც ზოგადად, დამახასიათებელია სექსუალური აგზნებისთვის. შემდგომ ორგანიზმი მალევე განიმუხტება და წნევაც ნორმას უბრუნდება. თუ ეს მართლაც ასეა, კარგი იქნება, თუ ყურადღებას გაამახვილებთ ამ მიმართულებით და გააკონტროლებთ  წნევას, მისი მატების შემთხვევაში კი აუცილებლად მიმართეთ ექიმს მიზეზის დასადგენად.

პასუხი: ჰაერის უკმარისობის შეგრძნება შეიძლება, გამოიწვიოს როგორც გულ-სისხლძარღვთა, ისე სასუნთქი სისტემის დაავადებებმა. შეიძლება, განპირობებული იყოს ტვინში სისხლის მიმოქცევის მოშლით, სისხლში ჟანგბადის ოდენობის დაქვეითებითა და ნახშირორჟანგის დაგროვებით (ანემია, აციდოზი)... დიფერენცირებისთვის კვლევის საწყის ეტაპზე ოჯახის ექიმთან ან თერაპევტთან ვიზიტია საჭირო.

პასუხი: თაფლიან წყალს აქვს დამამშვიდებელი, ანთების საწინააღმდეგო, იმუნიტეტის გამაძლიერებელი ეფექტი. თუ არ გაქვთ ალერგია თაფლზე, შეგიძლიათ მიიღოთ. თუმცა, ვირუსული დაავადებისგან აბსოლუტურ დაცვას, ცხადია, ვერ უზრუნველყოფს.

პასუხი:  ნებისმიერი ჯანმრთელი ბავშვისთვის რეკომენდებულია გამაჯანსაღებელი, პროფილაქტიკური მასაჟი, რომლის გაკეთებაც თავად დედას შეუძლია. ეს ეხმარება არა მარტო ბავშვის განვითარებას, არამედ, დედასა და შვილს შორის მეტი ემოციური კავშირის დამყარებას. სპეციალისტები მიიჩნევენ, რომ მასაჟის დაწყების საუკეთესო დროა 4 კვირიდან 6 თვემდე.