კატალოგი
პოლიტიკა
ინტერვიუები
ამბები
საზოგადოება
მოდი, ვილაპარაკოთ
მოდა + დიზაინი
რელიგია
მედიცინა
სპორტი
კადრს მიღმა
კულინარია
ავტორჩევები
ბელადები
ბიზნესსიახლეები
გვარები
თემიდას სასწორი
იუმორი
კალეიდოსკოპი
ჰოროსკოპი და შეუცნობელი
კრიმინალი
რომანი და დეტექტივი
სახალისო ამბები
შოუბიზნესი
დაიჯესტი
ქალი და მამაკაცი
ისტორია
სხვადასხვა
ანონსი
არქივი
ნოემბერი 2020 (103)
ოქტომბერი 2020 (210)
სექტემბერი 2020 (204)
აგვისტო 2020 (249)
ივლისი 2020 (204)
ივნისი 2020 (249)

№12 რა უნდა ვიცოდეთ კორონავირუსის შესახებ

ნინო კანდელაკი სოფი ლორია

  ზამთრის სეზონზე სასუნთქი სისტემის ინფექციური დაავადებები ისედაც გახშირებულია, კორონავირუსული ინფექციის გავრცელების პარალელურად, მოსახლეობაში მატულობს დაძაბულობა. ამიტომ მნიშვნელოვანია, მოსახლეობას ჰქონდეს ადეკვატური ინფორმაცია ზოგადად ვირუსული ინფექციების პრევენციული ღონისძიებებისა და გარკვეული პროფილაქტიკური საშუალებების შესახებ.
– დღეს აქტუალური საკითხია კორონავირუსი, რა შეგიძლიათ გვითხრათ კონკრეტულად ამ ვირუსის შესახებ?
– კორონავირუსი წარმოადგენს გავრცელებულ ვირუსების ჯგუფს, რომელსაც ეს სახელი დაერქვა ზედაპირზე გვირგვინისმაგვარი წანაზარდების გამო. კორონავირუსი არის ზოონოზური ვირუსი – ზოგი სახეობა აზიანებს მხოლოდ ცხოველს და ცირკულირებს მხოლოდ ცხოველებში, ზოგ შემთხვევაში მისი გადაცემა ხდება ცხოველიდან ადამიანზე. ადამიანთა უმრავლესობა კორონავირუსით მისი ცხოვრების რაღაც პერიოდში ერთხელ მაინც ავადდება. ეს ვირუსი, ჩვეულებრივ, იწვევს ზედა რესპირაციული ტრაქტის მსუბუქ ან საშუალო სიმძიმის ინფექციას, როგორც ჩვეულებრივი გაციება. თუმცა შესაძლოა, აგრეთვე, გამოიწვიოს ისეთი დაავადება, როგორიც არის ბრონქიტი და პნევმონია, როგორც ეს ახასიათებს ახლა გამოვლენილ კორონავირუსს – 2019-nCOV.
  კორონავირუსი დაახლოებით, 20 წელია, ცნობილია. ის იწვევს საერთო გაციების 15-20%-ს. სწორედ, მან გამოიწვია 2002 წელს მძიმე მწვავე რესპირატორული სინდრომის (SARS-COV) ეპიდემიური აფეთქება ჩინეთში. ამ შემთხვევაში, ცხოველი, რომელსაც ვირუსი ჰქონდა, იყო ძუძუმწოვარი, რომელიც ბინადრობდა სამხრეთ-აღმოსავლეთ აზიაში. ეს ეპიდემია დასრულდა 2004 წელს, რომლის ლეტალობის მაჩვენებელი 10-12 პროცენტი იყო.
  ცნობილია კიდევ სხვა კორონავირუსის მიერ გამოწვეული ეპიდემია, რომელიც დღემდე მიმდინარეობს, ეს არის კორონავირუსის ერთ-ერთი სახე, რომელიც ცნობილია შუა აღმოსავლეთის რესპირატორული სინდრომის (MERS-COV) სახელით. ამ ინფექციის სიკვდილიანობა 37%-ია და გვხვდება, ძირითადად, ისეთ ქვეყნებში, როგორიცაა საუდის არაბეთი, არაბეთის გაერთიანებული საემიროები. ამ შემთხვევაში, ცხოველი, რომლისგანაც ვირუსი გავრცელდა, იყო აქლემი.
კორონავირუსი, რომელიც ახლა იწვევს პნევმონიას ჩინეთში და რომელიც ბოლო პერიოდში მთელ მსოფლიოში ვრცელდება, არის ვირუსების დიდი ოჯახი, რომელსაც აქვს გარკვეული მსგავსება ზემოთ ხსენებულ ორ ვირუსთან. ეს ვირუსები გადაეცემა ცხოველიდან ადამიანს. კორონავირუსის ინკუბაციური პერიოდი მერყეობს 1 კვირამდე (ზოგიერთ წყაროში – 2-14 დღე). 2019-nCOV-ით გამოწვეული ინფექცია პირველად ჩინეთში, ქალაქ ვუჰანში გაჩნდა. პირველი ინფიცირებული ადამიანები თევზისა და გარეული ცხოველების ბაზრობებზე დაფიქსირდა, სადაც ცხოველები და ადამიანები მჭიდრო კავშირში არიან. ეს ვირუსი უხშირესად მსუბუქი და საშუალო ფორმით მიდის.
– რა არის კორონავირუსის მიერ გამოწვეული პნევმონიის სიმპტომები?
– პირველ რიგში, უნდა აღინიშნოს, რომ სუბიექტს სიმპტომები შეიძლება არც აღენიშნებოდეს, დაავადება სრულიად უსიმპტომოდ მიმდინარეობდეს, მაგრამ ამავდროულად, ინფექციის გამავრცელებელი იყოს. ძირითადი სიმპტომები არის ხველა, ცხელება, გაძნელებული სუნთქვა და აგრეთვე, უმნიშვნელო გასტრო-ინტესტინალური ტრაქტის ჩივილებიც. რაც შეეხება ლაბორატორიულ მაჩვენებლებს, შესაძლოა, შეგვხვდეს ლეიკოპენია, ლიმფოპენია და ჰიპერტრანსამიანაზემია, ზიანდება ზედა სასუნთქი გზები. კორონავირუსის ლეტალობა 2-3%-ია, თუმცა ციფრების მაჩვენებლების პროგრესი გვაძლევს საფუძველს, ვივარაუდოთ, რომ დაინფიცირების ალბათობა მაღალი იქნება.
– როგორი შეიძლება, იყოს ჰიგიენის წესები, სამოქალაქო პასუხისმგებლობის მნიშვნელობა და ვირუსისგან თავადაცვის რჩევები?
– მთავარი კითხვაა – შეგვიძლია თუ არა ამ ყველაფრის პრევენცია? პროფილაქტიკისთვის ამ ეტაპზე არ არსებობს ვაქცინა კორონავირუსის ინფექციისგან დასაცავად. ერთი მხრივ, ჩვენ შეგვიძლია, ვირუსების მიღებისა და გავრცელების რისკის შემცირება, ამისათვის აუცილებელია ჰიგიენური ნორმების დაცვა – ხელების ხშირი დაბანა, სახეზე, ცხვირზე, პირის ღრუზე ხელების მოკიდებისგან თავის შეკავება, იმ ზედაპირების დასუფთავება და დეზინფექცია, რომელსაც ვეხებით, თავის არიდება იმ პირებთან ახლო კონტაქტისგან, ვინც მიეკუთვნება პოტენციური რისკის ჯგუფს, ხველისა და ცემინების დროს ხელსახოცი ავიფაროთ სახეზე, ავადობის შემთხვევაში კი უმჯობესია სახლში გაჩერება. მეორე მხრივ, უმჯობესია, განხორციელდეს ნებისმიერი საშუალება, რომელსაც შეუძლია, ხელი შეუწყოს, ზოგადად, ვირუსული ინფექციების პრევენციას ან პროგრესირების თავიდან აცილებას.
– თუ შეიძლება, მოგვეცით რჩევები, ზოგადად, იმუნური სისტემის გასაძლიერებლად.
– ამ ყველაფრის გათვალისწინებით, მნიშვნელოვანი ხდება ისეთი სამკურნალწამლო საშუალებების გამოყენებაც, რომლებიც ზრდის სასუნთქი გზების რეზისტენტობას, გამძლეობას, სხვადასხვა ბაქტერიული და ვირუსული ინფექციის მიმართ.
მეცნიერული კვლევების საფუძველზე დადასტურებული იყო პოლივალენტური მექანიკური ბაქტერიული ლიზატების (პრეპარატი ისმიჟენი) იმუნომოდულატორული აქტივობა, რაც კიდევ ერთხელ ამყარებს ბაქტერიული ლიზატების დანიშვნის მიზანშეწონილობას სასუნთქი გზების ინფექციური დაავადებების პროფილაქტიკისა და მკურნალობისთვის.  
  ისმიჟენი ასტიმულირებს ადამიანის ორგანიზმის ბუნებრივი მკვლელი უჯრედების ადრეულ აქტივაციას, რომლებსაც შეუძლიათ გააკონტროლონ ვირუსის გავრცელება, სანამ სპეციფიკური იმუნიტეტი არ განვითარდება.
  მეორე მექანიზმი, რომელიც ახლახან აღმოაჩინეს, ეყრდნობა პოლივალენტური მექანიკური ბაქტერიული ლიზატის შესაძლებლობას, გააუმჯობესოს ლორწოვანი გარსის ბარიერული ფუნქცია. მიკროორგანიზმებმა, რომლებმაც შეაღწიეს ადამიანის სხეულში, ჯერ უნდა გადალახონ ეპითელური უჯრედების ფენა. ადამიანის ლორწოვანის ეპითელური უჯრედები ფუნქციონირებს, როგორც ფიზიკური ბარიერი ინფექციის თავიდან ასაცილებლად. გარდა ამისა, მათ შეუძლიათ, ამოიცნონ მიკროორგანიზმების არსებობა და გაზარდონ ბარიერული ფუნქცია, სიგნალი გაუგზავნონ ლეიკოციტებს და პირდაპირ გაანადგურონ ზოგიერთი პათოგენი.
  ისმიჟენი (პოლივალენტური მექანიკური ბაქტერიული ლიზატი) წარმოადგენს შვეიცარიული კომპანია  Lallemand Pharma-ს მიერ წარმოებული ახალი თაობის, ბაქტერიული წარმოშობის იმუნომოდულატორს. მისი მოქმედების პრინციპი ეფუძნება იმუნური სისტემის კონტროლისა და დამცველობითი მექანიზმების გაძლიერებას, რაც განაპირობებს სასუნთქი გზების ინფექციების განვითარების პროფილაქტიკასა და მათთან ორგანიზმის ბრძოლის აქტივაციას. სწორედ ამიტომ, ისმიჟენს სხვაგვარად „პერორალურ ვაქცინასაც“ უწოდებენ.  
  ისმიჟენის (პოლივალენტური მექანიკური ბაქტერიული ლიზატის) შემადგენლობაში შედის იმ ბაქტერიების ლიზატები, რომლებიც უხშირესად იწვევენ რესპირაციული ტრაქტის ინფექციებს და ვირუსული ინფექციის გართულებებს. ბაქტერიული ლიზატები აძლიერებს ორგანიზმის იმუნურ პასუხს რესპირაციული ინფექციების წინააღმდეგ.
  ისმიჟენი იმუნომოდულატორული მოქმედების შედეგად ამცირებს სასუნთქი სისტემის ინფექციური დაავადებების სიხშირესა და ინტენსივობას, ხოლო ავადობის შემთხვევაში, გამოჯანმრთელება უფრო სწრაფად ხდება.
ამგვარად, ისმიჟენი გაგიძლიერებთ სასუნთქი სისტემის იმუნიტეტს და დაგიცავთ ბაქტერიებისა და ვირუსებისაგან.
კახა ვაჭარაძე
მედიცინის მეცნიერებათა დოქტორი, პროფესორი, თსსუ ფთიზიატრიის დეპარტამენტის ხელმძღვანელი
ტუბერკულოზისა და ფილტვის დაავადებათა ეროვნული ცენტრის დეპარტამენტის ხელმძღვანელი
საქართველოს რესპირაციული ასოციაციის პრეზიდენტი
ამიერკავკასიის ექიმთა ლიგის რესპირაციული ასოციაციის პრეზიდენტი
საქართველოს ბრონქოლოგთა და პულმონოლოგთა ასოციაციის დამფუძნებელი
საქართველოს ფთიზიატრთა და პულმონოლოგთა ასოციაციის გამგეობის წევრი
საქართველოს თორაკალურ ქირურგთა ასოციაციის თანადამფუძნებელი
ევროპის რესპირაციული საზოგადოების (ERS) წევრი
ამერიკის თორაკალური საზოგადოების (ATS) წევრი
ევროპისა და მსოფლიოს ბრონქოლოგთა და ინტერვენციულ პულმონოლოგთა საზოგადოების (WEABIP)
ეროვნული პრემიის ლაურეატი მედიცინაში.
скачать dle 11.3