* როდესაც ინგლისში ჩაი გავრცელდა, ერთი ეკონომისტი ამტკიცებდა, რომ სწორედ ის  ამუხრუჭებს ქვეყნის ეკონომიკას – მუშებმაც დაიწყეს ჩაის სმა და ამ დროს კი არ მუშაობენო.

*ჰოლანდიელები ადრე ახალაშენებული სახლის სახურავზე აუცილებლად ამაგრებდნენ ურმის ბორბალს, სჯეროდათ, რომ ის სახლს მეხს აარიდებდა. რა თქმა უნდა, ახლა ამის არ სჯერათ, მაგრამ ამ ტრადიციას მაინც აგრძელებენ, წერომ რომ ბუდე გაიკეთოს.

* შუა საუკუნეებში ინკვიზიტორებს ბევრი ხერხი ჰქონდათ იმის გასარკვევად, იყო თუ არა ქალი ალქაჯი. ერთ-ერთის დროს იყენებდნენ დიდ სასწორს, რომლის ერთ პინაზე სვამდნენ ქალს, მეორე პინაზე კი – ბიბლიას. თუ გავითვალისწინებთ, მაშინდელი ბიბლიის წონას, სავსებით შესაძლებელია, რომ ზოგიერთ ქალზე მძიმე ყოფილიყო.