პასუხი: ნორმაში ლაქტაციის სრული შეწყვეტის შემდეგ ძუძუდან გამონადენი (თავისთავადი) გრძელდება 3-6 თვე, ხოლო დვრილზე ხელის მოჭერით – 1 წლამდე. თუ ამ პერიოდის გასვლის შემდეგ კვლავ გექნებათ იგივე ჩივილი, პროფილაქტიკური გასინჯვისა და გამოკვლევის მიზნით უნდა მიმართოთ მამოლოგს.

პასუხი: თუ ორსულობა ნორმალურად მიმდინარეობს, მგზავრობა დასაშვებია ნებისმიერი ტიპის ტრანსპორტით ორსულობის 20 კვირამდე. 26-28 კვირის შემდეგ სასურველი არ არის თვითმფრინავით მგზავრობა, ხოლო 36 კვირის შემდეგ კი – სხვა ტიპის ტრანსპორტითაც კი.

პასუხი: მეტატუბერკულოზური ცვლილებები ეს არის ფილტვის ქსოვილის ცვლილებები, რომლებიც ვითარდება ტუბერკულოზის, ან პნევმონიის, ან პლევრიტის გადატანის შემდეგ. ანუ ფილტვში ტუბერკულოზის ან პნევმონიის თანმდევი ცვლილებები მწვავე პროცესში განვითარდა, მაგრამ მკურნალობის შემდეგაც, როგორც ნაწიბური რჩება ხოლმე კანზე ჭრილობის შეხორცების შემდეგ.

პასუხი: თუ ფიზიკური დატვირთვის დროს სახის სიწითლეს გულისხმობთ, ეს ნორმალურ ფიზიოლოგიურ მდგომარეობად მიიჩნევა, რაც სისხლის მიკროცირკულაციის გაძლიერებით აიხსნება და პათოლოგიას ვერ დავუკავშირებთ.

პასუხი: მკურნალობის ფონზე უნდა გაკონტროლდეს ჰემოგლობინი. პარალელურად, ფარისებრი ჯირკვლის ფუნქციონირების გამოსაკვლევად, მიმართეთ ენდოკრინოლოგს. კვლევის შედეგებიდან გამომდინარე, ოჯახის ექიმმა უნდა განსაზღვროს, კონკრეტულად რა დამატებითი კვლევების ჩატარებას საჭიროებთ.

პასუხი: ჩივილი შესაძლოა, უკავშირდებოდეს არაკომფორტულ წოლას – ამ დისკომფორტის გამომწვევი ხშირად საწოლი, ლეიბი ან არასწორად შერჩეული ბალიშიც არის ხოლმე. თუმცა, არც პათოლოგიაა გამორიცხული. დიაგნოსტიკისთვის ნევროლოგთან ვიზიტია საჭირო. ყოველდღიურად ციტრამონის მიღება კი, ცხადია, არ არის რეკომენდებული.