№10 თქვენი დამოკიდებულება სიყვარულის მიმართ
ნინო კანდელაკი ელენე წულუკიძე
ეს ფსიქოლოგიური ტესტი გამოავლენს თქვენს დამოკიდებულებას სიყვარულის მიმართ.1. ქვეყნის აღსასრულია და მხოლოდ ერთი სახეობის ცხოველის გადარჩენა შეგიძლიათ. რომელს აირჩევდით?
ცხვარი; ირემი; ცხენი.
2. ჩამოთვლილთაგან, რომელი ცხოველი იქნებოდით?
ძაღლი; კატა; გველი.
3. ცხოველის ერთი სახეობის გაქრობა რომ შეგეძლოთ, რომელს აირჩევდით?
ლომი; გველი; ნიანგი.
4. ჩამოთვლილი ცხოველებიდან, რომელს უნდა შეეძლოს საუბარი:
ცხვარი; ცხენი; კურდღელი.
5. უკაცრიელ კუნძულზე ვის აირჩევთ კომპანიონად?
ადამიანი; ძროხა; ჩიტი.
6. რომელს იყოლიებდით შინაურ ცხოველად?
დინოზავრი; თეთრი ვეფხვი; თოვლის ლეოპარდი.
ახლა ნახეთ პასუხები:
1. პირველ კითხვაზე პასუხი იმ პიროვნების ხასიათია, რომლის მიმართაც გაგიჩნდებოდათ მიზიდულობა რეალურ ცხოვრებაში:
ცხვარი – გარეგნულად ცივი, თუმცა შინაგანად თბილი ადამიანი ხართ;
ირემი – ელეგანტური და კარგი მანერების მქონე ადამიანი ხართ;
ცხენი – დაუმორჩილებელი და თავისუფალი პიროვნება ხართ.
2. ამ კითხვაზე პასუხი ის შთაბეჭდილებაა, რომლის მოხდენაც გსურთ პარტნიორზე:
ძაღლი – ლოიალური და ერთგული გინდათ იყოთ;
კატა – კარგი სტილის მქონე;
გველი – დიპლომატი.
3. ეს პასუხი არის ქცევა, რომლის გამოც თქვენს სასიყვარულო პარტნიორს დაშორდებოდით:
ლომი – პარტნიორის ქედმაღლობა;
გველი – თქვენი პარტნიორი ზედმეტად ემოციურია, ხასიათებს ხშირად იცვლის და არ იცით, როგორ ასიამოვნოთ;
ნიანგი – უმადურობა.
4. მეოთხე კითხვაზე პასუხი იმ ტიპის ურთიერთობაა, როგორიც გსურთ თქვენს პარტნიორთან გქონდეთ:
ცხვარი – ორივეს უსიტყვოდ რომ გესმოდეთ ერთმანეთის;
ცხენი – ერთმანეთს ყველაფერს მოუყვებით და არაფერს დაუმალავთ;
კურდღელი – ურთიერთობა, სადაც მუდმივად სითბოსა და სიყვარულს იგრძნობთ.
5. ეს პასუხი აჩვენებს, რამდენად შეგიძლიათ, უღალატოთ პარტნიორს:
ადამიანი – ვერ უმკლავდებით ცდუნებას, ამიტომ და შესაძლოა, პარტნიორსაც უღალატოთ;
ძროხა – მომთმენი ადამიანი ხართ და მაქსიმალურად ეცდებით, არ უღალატოთ;
ჩიტი – არ გიყვართ ვალდებულებები და ღალატიც თქვენთვის ნორმაა.
6. ამ კითხვაზე პასუხი კი ქორწინებისადმი თქვენი დამოკიდებულებაა:
დინოზავრი – საკმაოდ პესიმისტი ხართ და არ გჯერათ, რომ ბედნიერი ქორწინება საერთოდ არსებობს;
თეთრი ვეფხვი - ფიქრობთ, რომ ქორწინება ძვირფასი რამაა და თუ იქორწინებთ, აუცილებლად გაუფრთხილდებით ოჯახს;
თოვლის ლეოპარდი – გეშინიათ ქორწინების, ფიქრობთ რომ ასე თავისუფლებას დაკარგავთ.