კარდიოლოგ-ინტერვენციონისტი ექიმი ოქროს ხელებით – იაგო ხელია დიდი პროფესიონალიზმითა და იშვიათი ოპერატიულობით გამოირჩევა. პაციენტების საყვარელი ექიმი ფიქრობს, რომ ექიმის გულისხმიერი დამოკიდებულება ეფექტურად აისახება მკურნალობაზე. თქვენი გულის მკურნალი ყოველდღიურად იბრძვის ადამიანის სიცოცხლისა და ჯანმრთელობისთვის.

  იაგო ხელია: მედიცინასთან ოჯახური კავშირი არ მაქვს, მაგრამ ბავშვობიდან მქონდა სურვილი, ექიმი გავმხდარიყავი. მე მიყვარს ჩემი პროფესია და 15 წელია, ვემსახურები ამ საქმეს. მიყვარს ადამიანები და მათი ჯანმრთელობის სამსახურში ყოფნა, ერთდროულად, დიდი პასუხისმგებლობა და სიამოვნებაა.

– რა თქმა უნდა, არის რამდენიმე პედაგოგი, მაგრამ გამოვარჩევდი პროფესორებს – შალვა რცხილაძესა და მერაბ მამაცაშვილს, რომლებსაც მადლობას გადავუხდი ჩემდამი გაწეული შრომისთვის.

– დამოუკიდებლად ვმუშაობ 2008 წლიდან. ჩატარებული მაქვს, დაახლოებით, ოცი ათასამდე კორონაგრაფია და კორონარული ანგიოპლასტიკა, როგორც მწვავე, ასევე გეგმიური შემთხვევები, აქედან, დაახლოებით თორმეტი ათასამდე – წარმატებული ანგიოპლასტიკა, ანუ სტენტირება.

– თუ ექიმი კარდიოლოგი ჩათვლის, რომ პაციენტს აღენიშნება სტენოკარდიული ჩივილი, კეთდება კორონაროგრაფია. რის შემდეგაც ირჩევა მკურნალობის მეთოდი – 1. მედიკამენტური თერაპია. 2 სტენტირება. 3. აორტოკორონარული შუნტირება.

– კორონარული არტერიების ათეროსკლეროზული დაზიანების შემთხვევაში, როდესაც არის მაღალი ხარისხის შევიწროება ან ოკლუზია.

– ბევრი რთული შემთხვევა მქონია. გამიჭირდება კონკრეტულად ცალკეული შემთხვევის გამოყოფა. ხშირად მოგვმართავენ ისეთი პაციენტები, მეზობელი ქვეყნებიდანაც კი, რომელთაც ღია წესით ოპერაციაზე უარი ეთქვათ სხვადასხვა მიზეზის გამო. აღნიშნული სირთულის პაციენტები კარგი შედეგით, კმაყოფილები მიდიან კლინიკიდან. გარდა კორონარული არტერიების ანგიოპლასტიკისა, გამოცდილება მაქვს საძილე არტერიების, თირკმლის არტერიების, ზემო და ქვემო კიდურების ანგიოგრაფიისა და ანგიოპლასტიკის ჩატარების.

– დაავადების განვითარებაში ძალიან დიდი მნიშვნელობა აქვს გენეტიკურ განწყობას, შაქრიან დიაბეტს, არტერიულ ჰიპერტენზიას, ჭარბ წონას, ადინამიურობას, მავნე ჩვევებს (თამბაქო და ალკოჰოლის ჭარბად გამოყენება). ზემოთ ხსენებული რისკ-ფაქტორების ქვეშ მყოფმა ადამიანებმა კარგი იქნება, დროულად მიმართონ ექიმს პროფილაქტიკის მიზნით, რათა გამოირიცხოს გულის იშემიური დაავადება.

– ეს დამოკიდებულია ცოდნაზე და გარკვეულწილად, ხანგრძლივ გამოცდილებაზე. ჩვენს პაციენტებს რაც სწრაფად და ხარისხიანად გაეწევა სამედიცინო დახმარება, როგორც ურგენტულ, ასევე, გეგმიურ შემთხვევაში, მით უფრო სასურველ შედეგს ვაღწევთ. იმიტომ რომ ხშირად წამებსაც კი გადამწყვეტი მნიშვნელობა აქვს. რაც შეეხება გამოკვლევის ხანგრძლივობას, ორ-სამ წუთშიც კი გამიკეთებია კორონაგრაფია და ოთხ-ხუთ წუთში კორონარული ანგიოპლასტიკა. საუბარია არა გეგმიურ, არამედ მწვავე შემთხვევაზე.

– პირველ რიგში, მნიშვნელოვანია, ექიმი გულისხმიერად მოეკიდოს პაციენტს. ამდენი წელი ამ სფეროში ვარ. რა თქმა უნდა, ძალიან ბევრი კმაყოფილი პაციენტია და კონკრეტულად გამოყოფა გამიჭირდება, მაგრამ არიან ისეთი პაციენტები, რომლებთანაც ვმეგობრობ.

– რა თქმა უნდა, უცხოელ კოლეგებთან კავშირი გვეხმარება მკურნალობის თანამედროვე მეთოდების ათვისებასა და ჩვენს რეალობაში დანერგვაში. კვალიფიკაციის ამაღლების მიზნით მიწევს სხვადასხვა ქვეყანაში მივლინება – გერმანია, ისრაელი, საფრანგეთი, თურქეთი.

– მნიშვნელოვანია ჯანსაღი ცხოვრების წესი, ფიზიკური აქტიურობა, სწორი კვება, მავნე ჩვევებზე უარის თქმა.

– ბევრი გადარჩენილი სიცოცხლე, კმაყოფილი და გამოჯანმრთელებული პაციენტი.