მომღერალი და მსახიობი გია კორკოტაშვილი ასეთ ისტორიას ყვება: „კომუნისტების პერიოდია. ზამთარია. ძალიან ყინავს, თან თოვს. ძმაკაცებთან ერთად ვერაზე ვიყავი და ოთარ რამიშვილი შეგვხვდა. მან თავისთან დაგვპატიჟა საქეიფოდ და რომ ავედით, აღმოჩნდა, რომ საჭმელი კი იყო, მაგრამ სასმელი – არა... გადავრეკ-გადმოვრეკეთ და ღვინო კი „გავჩითეთ“ იქვე უბანში, მაგრამ ფეხით მოგვიწია წასვლა, რადგან მანქანის ჭაჭანება არ იყო. თანაც, ვერის აღმართები მოყინული იყო... ღვინო 20-ლიტრიანი ბოცით წამოვიღეთ და პატრონმა ციგაზე დადო და მიამაგრა. სანამ ძია ოთარის სახლთან მივედით, გზაში ათასი ნაცნობი შეგვხვდა და ყველასთან თითო ჭიქა „ჩავარტყით“. ძია ოთართან უკვე სუფრა იყო გაშლილი, გველოდებოდნენ... ჩვენ კი მაგარი მთვრალები, ხელში ოცლიტრიანბოცაჩაბღუჯულები მივადექით, რომელშიც მხოლოდ 1 ლიტრი ღვინო იყო დარჩენილი.“