პასუხი: ზოგადად, წნევის ეს მაჩვენებელი საგანგაშო არ არის, მაგრამ თუ მას ახლავს დისკომფორტი და/ან მოხდა წნევის არცთუ ისე მნიშვნელოვანი, მაგრამ უეცარი დაქვეითება, მაშინ შესაძლოა, ეს შემაწუხებელი და ზოგჯერ საგანგაშოც იყოს. არტერიული წნევის უეცარი დაქვეითება შესაძლოა გამოვლინდეს თავბრუხვევით, გონების დაკარგვით, კონცენტრაციის უნარის დაქვეითებით, მხედველობის დაბინდვით, გულისრევით, ნამიანი კანით, ქოშინით, სისუსტით. თუ მსგავსი ჩივილები უეცრად აღმოცენდა და არ გაივლის, მაშინ საჭიროა, ექიმს მიმართოთ, რომ მდგომარეობა ობიექტურად შეფასდეს.

პასუხი: თუ წყლულოვან დაავადებას გულისხმობთ, ამ შემთხვევაში, საბოლოო დიაგნოსტიკის ოქროს სტანდარტი გასტროსკოპიული კვლევაა იმის გამო, რომ მგრძნობელობა გაცილებით მაღალია,  საჭიროების შემთხვევაში კი, შესაძლებელია ბიოფსიური მასალის აღება, თუმცა, ზოგჯერ რენტგენოლოგიური გამოკვლევაც საკმარისია.

კითხვა: სინოვიტის გავლის შემდეგ მუხლმა დაიწყო ჭრაჭუნი.  რას ახასიათებს მუხლში ჭრაჭუნი? რენტგენზე და ექოზე გარდა გამონაჟონი სითხისა და იოგის დაჭიმულობისა, არანაირი დაზიანება არ გამოჩნდა. ვარ 35 წლის.

პასუხი: ეს შესაძლოა, გამოწვეული იყოს ხრტილოვანი ქსოვილის კვების დარღვევით. გარდა ამისა, გასათვალისწინებელია: მემკვიდრეობა, ინფექციები, ენდოკრინული დაავადებები, გაცხიმოვნებაც.

პასუხი: ბალიშზე ძილი და თან მუცელზე, დაუშვებელია, ჯობს ჩვილ ბავშვს ეძინოს გვერდზე ან ზურგზე. როცა მუცელზე დააწვენთ, მარტო ნუ დატოვებთ. როგორც ღამის, ასევე დღის ძილის დროს ახალშობილი ყოველთვის ზურგზე დააწვინეთ. ლეიბიც არ უნდა იყოს რბილი.