მართალია, პუტინ-ერდოღან-როუჰანმა თავის თავზე აიღეს სირიის ტერიტორიული მთლიანობის შენარჩუნება და ბაშადის ავისმოსურნეთა განდევნა სირიული მიწიდან, მაგრამ მოვლენები მთლად ხავედოვნადაც არ განვითარებულა (ან კი როგორ განვითარდებოდა). ამ მომენტისთვის ისეც კი მოხდა, რომ პრ.-ებს პუტინსა და ერდოღანს შორის შავმა კატამ ჩაისუნსულა, თვით იმდენად შავტუხამ, რომ ლამისაა სირიაში მათ შორის სამხედრო წაკვრა-წამოკვრაც ვიხილოთ (იმიტომ რომ ერდოღანი ისევ ერჩის ასადს, რომელსაც პუტინი ყვარობს პოლიტიკურად).

  ჰოდა, რაკი ერჩის, სირიამ სომხების გენოციდიც ცნო, რაც იმას ნიშნავს, რომ ასადმა ყველა ხიდი დაწვა, რომლებითაც ერდოღანისკენ სავალ გზას უკავშირდებოდა.

  ამასობაში რუსეთში კი საზღვართან თურქული პომიდვრებია შეჩერებული (საერთო ჯამში, 10 მილიონი აშშ დოლარის ღირებულების). ოფიციალური რუსული ვერსიით, იმიტომ რომ უკვე შეისყიდა კვოტით (150 000 ტონა) განსაზღვრული რაოდენობა და მეტი აღარ გვჭირდებაო (ყელამდე ვართ თქვენი პომიდვრებითო).

უცნობია, არის თუ არა ეს რეალური მიზეზი, თუმცა ჩვენზე უკეთ ვინ იცის, რომ ბოსტნეულითა და ხილით ომი რუსეთის საყვარელი საქმიანობაა.