– საბედნიეროდ, დღეს უკვე გვაქვს ისეთი საშუალებები, რომლებიც ამ ტიპის პაციენტებთან მუშაობას გვიმარტივებს.  ერთ-ერთ ასეთ  მეთოდს  წარმოადგენს Sandman ფუტურას აპარატი – ინოვაცია ჰაერ-ჭავლოვანი გზით პრეპარირებაში, რომელიც ძალიან კომფორტულია პაციენტებისთვის, გამომდინარე იქიდან, რომ არ აქვს ხმა, ვიბრაცია, უსიამოვნო სუნი – ანუ, ყველა ის გამღიზიანებელი ფაქტორი, რაც პაციენტს აწუხებს და რაც მთავარია, უმეტეს შემთხვევაში, საერთოდ არ საჭიროებს ანესთეზიას.

– ამ აპარატის მთავარი უპირატესობა არის ის, რომ ახასიათებს მინიმალური ინვაზიურობა. რაც ნიშნავს, რომ ამუშავებს და აპრეპარირებს მხოლოდ დაზიანებულ ქსოვილს. შესაბამისად, მაქსიმალურად გამორიცხავს კბილის ჯანმრთელი ქსოვილის დაზიანებას. ძირითადად, ვიყენებთ იმ პაციენტებთან, რომელთაც ეშინიათ სტომატოლოგის, ხმის, სუნის, დისკომფორტის, ასევე, ბავშვებთან, ორსულებთან... აპარატი მუშაობს ალუმინის ოქსიდის და შეკუმშული ჰაერის ურთიერთქმედების ხარჯზე და გარდა იმისა, რომ მკურნალობის დროს პაციენტები საერთოდ ვერ გრძნობენ  ტკივილს, მათ არანაირი დისკომფორტი არ ექმნებათ, რაც ძალიან მოსწონთ. არ მინდა, ისე გაიგოთ, რომ Sandman-ს შეუზღუდავი შესაძლებლობები აქვს, მაგრამ თამამად შემიძლია, ვთქვა, რომ შემთხვევათა 90 პროცენტში ანესთეზიის გამოყენება არ გვჭირდება, რადგან  Sandman-აპარატით კბილის პრეპარირება უმტკივნეულოა.

– Sandman არის დანიური კომპანიის ძალიან წარმატებული პროდუქტი.  ჩვენ ამ აპარატით თითქმის ერთი  წელია, ვმუშაობთ და გეტყვით, რომ მისი საშუალებით პაციენტებისთვის რთული მანიპულაციებიც კი სასიამოვნო და კომფორტული გახდა. ეს განსაკუთრებით შესამჩნევია ბავშვებში.  ხალისით და ყოველგვარი პროტესტის გარეშე  ერთ ვიზიტზე რამდენიმე კბილს იკეთებენ.

– Sandman-იც და ყველა მინიმალურად ინვაზიური ტექნოლოგია გულისხმობს იმას, რომ ჩვენ დავინახოთ, აღმოვაჩინოთ და ვუმკურნალოთ კარიესს საწყის ეტაპზე და არა უკვე მის გართულებულ ფორმებს. Sandman ამ მოთხოვნებს აბსოლუტურად აკმაყოფილებს. გარდა ამისა, Sandman-ით  მკურნალობისას  მცირდება მეორადი კარიესის გაჩენის რისკიც. რადგან კბილის პრეპარირებისას არ იყენებს წყალს და პოხიერი შრე აღარ ჩნდება.