ლევან გოთუა: თუ შენი ქვეყანა უბედურია, შენ კი – ბედნიერი, სადღაც არ ყოფილხარ პატიოსანი.

პიუზო: ყველას რომ ისე მოექცე, როგორც ეკუთვნის, გარშემო აღარავინ დაგრჩება.

დანტე: საკმარისია, ეშმაკს ზურგი აქციო და ღმერთს დაინახავ.

ვოვენარგი: რაც არ გინდა გააძლიერო, ყურადღება დააკელი და პირიქით.

მონტენი: ეცადე, ყველას პირში უთხრა სიმართლე. სჯობს, მართალი უყვარდე ცოტას, ვიდრე მლიქვნელი – ბევრს.

აკაკი ბაქრაძე: სიკეთე, რომელიც მოითხოვს, სიკეთითვე მიპასუხეო, აღარ არის სიკეთე. ეს ვაჭრობაა.

რუმი: უგემოვნობას თავისი საზღვარი აქვს, აი, გემოვნება კი უსასრულოა.

რემარკი: ყველაზე დიდი სულგრძელობაა, როცა უმადურობას პატიობენ.

ჯიბრანი: ვინც პირველივე წყენისას გტოვებს, იცოდე, რომ ის ამ წყენას ელოდებოდა.

ხაიამი: არ სცადო იმის შეჩერება, რაც შენგან მიდის, არ ჰკრა ხელი მას, რაც შენთან მოდის და მაშინ ბედნიერება თავად გიპოვის.

მაქსველი: ადამიანი საკმაოდ დიდსულოვანი უნდა იყოს, რომ აღიაროს თავისი შეცდომები, საკმარისად ჭკვიანი – რომ ისწავლოს მათგან და საკმარისად ძლიერი, რომ შეძლოს მათი გამოსწორება.

უაილდი: ადამიანი ყველაზე გულწრფელი მაშინაა, როცა საკუთარ თავს ესაუბრება. მიეცით მას ნიღაბი და იგი სიმართლეს გეტყვით.

ვოლტერი: ზოგს ბედნიერება მიაქვს იქ, სადაც წავა, ზოგს კი მაშინ მოაქვს ბედნიერება, როცა მიდის.

ჩეგევარა: არ მადარდებს დაცემა, მანამ, სანამ ვიცი, რომ ვიღაც ჩემს თოფს აიღებს და სროლას განაგრძობს.

არისტოტელე: მატყუარებს სიმართლის არ სჯერათ.

მოპასანი: ცხოვრებაში სამჯერ უნდა გაუმართლოს ქალს: ვისგან გაჩნდება, ვისგან ისწავლის და ვის გაჰყვება ცოლად.

შანელი: ქალები იცვამენ ქალებისთვის, რაც მათში მეტოქეობის სურვილით არის გამოწვეული. ეს სიმართლეა, მაგრამ თუ ამქვეყნად მამაკაცი აღარ იქნებოდა, ქალები ჩაცმას თავს დაანებებდნენ.