პასუხი: ზოგადად, ზამთარი უარყოფითად მოქმედებს თმის ღერის სტრუქტურაზე. თმის ცვენა ორსულობის შემდგომ პერიოდშიც იცის. გირჩევთ, თმის სწრაფად მოქმედი ნიღბის რეცეპტს, რომლის მომზადებას თავადაც შეძლებთ. საჭირო ინგრედიენტებია: 1 სუფრის კოვზი ხახვის წვენი (გახეხეთ და შემდეგ გაწურეთ), 1 სუფრის კოვზი თაფლი, 1 კვერცხის გული, 2 სუფრის კოვზი ოროვანდის ზეთი, რომელიც იყიდება აფთიაქში. ყველა ინგრედიენტი კარგად აურიეთ. მიღებული თხევადი მასა შეიზილეთ თმის ძირებში. რაც დარჩება, მთელ თმაზე წაისვით. დაიხურეთ თავზე შხაპის ქუდი, ზემოდან კი პირსახოცი შემოიხვიეთ. ერთი საათის შემდეგ შამპუნით ჩამოიბანეთ. ეს პროცედურა თავიდან კვირაში 2-ჯერ 2 კვირის განმავლობაში გააკეთეთ, შემდეგ კი – კვირაში ერთხელ.  კურსის ხანგრძლივობა  2 თვეა.

პასუხი: თვალის ირგვლივ კანისთვის არსებობს ნიღაბი, რომელიც ძალიან მარტივი მოსამზადებელია. მას მხოლოდ 2 ინგრედიენტი – ოხრახუში და არაჟანი სჭირდება. ის ატენიანებს კანს თვალების ირგვლივ და ასწორებს ნაოჭებს. ოხრახუში გარეცხეთ, მოაჭერით ღეროები და დასრისეთ. 1 ჩაის კოვზ მასას, დაუმატეთ 1 ჩაის კოვზი არაჟანი და კარგად აურიეთ. მიღებული მასა წაისვით თვალების ირგვლივ, გაიჩერეთ 15 წუთი და შემდეგ, წყალში დასველებული ბამბით ფრთხილად მოიშორეთ. პროცედურა კვირაში რამდენიმეჯერ უნდა ჩაიტაროთ.