მოსკოვის „მცირე თეატრში“ მიწვეული კოტე მარჯანიშვილი სპექტაკლს დგამდა. სიუჟეტის მიხედვით, პირველ მოქმედებაში მდიდარ გრაფინიას მსხვილი ბრილიანტის კოლიე ეკეთა, ბოლო მოქმედებაში კი მას საწამლავით კლავდნენ. გრაფინიას როლს კი ცნობილი რუსი მსახიობი ელენა გოგოლევა ასრულებდა. გენერალური რეპეტიციის შემდეგ გოგოლევამ მარჯანიშვილს განუცხადა:

– მე მინდა, რომ სპექტაკლის პრემიერაზე, პირველ მოქმედებაში ნამდვილი ბრილიანტის კოლიე მეკეთოსო.

დიდ ქართველ რეჟისორს გაეცინა და გოგოლევას მიუგო:

– კარგი, ელენა ნიკოლაევნა, ყველაფერი ნამდვილი იქნება: პირველ მოქმედებაში – ბრილიანტები, ბოლოში კი – შხამიო.

ნიკა ლაშაური