ნიკა ბატიაშვილი: პეტრე შოთაძის სახელობის თბილისის სამედიცინო აკადემიის სტომატოლოგიური ფაკულტეტის დამთავრების შემდეგ  ბელორუსში, ქალაქ მინსკში წავედი, სადაც გავიარე კლინიკური ორდინატურის კურსი ყბა-სახის ქირურგიაში, ჩემთვის  ეს ძალიან საინტერესო და ნაყოფიერი ორი წელი იყო და იქ მიღებული ცოდნითა  და გამოცდილებით დავბრუნდი საქართველოში, სადაც  წარმატებით ჩავაბარე  სალიცენზიო გამოცდა, ავიღე ქართული ლიცენზია და 2016 წლიდან უკვე დამოუკიდებელ საექიმო საქმიანობას ვეწევი ყბა-სახის ქირურგიისა და ქირურგიული სტომატოლოგიის განხრით.

– ჩემი პირველი სამსახური იყო „ელიზაბეტ ბლექველის ჰოსპიტალი“, შემდეგ იყო „ჯეო ჰოსპიტალსის“ კლინიკების ქსელი, ორივე კლინიკასთან დღემდე ვთანამშრომლობ.

– მედიცინა ყოველდღიურად ვითარდება და ექიმის წარმატება იმაზეა დამოკიდებული, თუ რამდენად აუწყობ  ფეხს ამ პროცესებს და აითვისებ ინოვაციებსა და ახალ ტექნოლოგიებს. მაქსიმალურად ვცდილობ, ყოველთვის გამოვიყენო საზღვარგარეთ წასვლისა და იქ ცოდნის ამაღლების შანსი, რასაც ჩემს ქვეყანაში
ჩამოვიტან და ჩემს ქართველ პაციენტებთან გამოვიყენებ. გარდა ამისა, ძალიან სასიამოვნოა, რომ საქართველოშიც ეწყობა მაღალი დონის კონფერენციები და ჩვენთანაც ხშირად  ჩამოდიან მაღალი დონის მომხსენებლები. ერთ-ერთი ასეთი კონფერენცია სულ ცოტა ხნის წინ ჩატარდა, რომელიც დენტალურ იმპლანტაციას ეხებოდა. საკმაოდ წარმატებული და ნაყოფიერი კონფერენცია იყო.

– რატომ უნდა აირჩიოს პაციენტმა კლინიკა „აქვა დენტი“? პირველ რიგში, იმიტომ რომ აქ არის თითოეული პაციენტის მიმართ განსაკუთრებული, ინდივიდუალური მიდგომა, კლინიკა დაკომპლექტებულია მაღალკვალიფიციური, საკუთარ სფეროში ლიდერი პროფესიონალებით და გვაქვს კარგი მატერიალურ-ტექნიკური ბაზა. კლინიკა 2015 წელს გაიხსნა და დღევანდელი კონკურენციის პირობებში, წარმატებული სტომატოლოგიური კლინიკის სახელის მოხვეჭისთვის და ამდენი კმაყოფილი პაციენტის შეძენისთვის 4 წელი ძალიან ცოტაა. ვფიქრობ, ამას პროფესიონალიზმი და ჩვენი ექიმების თბილი და გულისხმიერი დამოკიდებულება განაპირობებს.

– ამ მხრივ, შემიძლია, გამოვყო ორთოდონტია და ორთოპედია. ამ მიმართულებებით „აქვა დენტმა“ უამრავი  კმაყოფილი პაციენტი დააგროვა. დენტალური იმპლანტაციის პროცესში ერთდროულად რამდენიმე სპეციალისტია ჩართული. აქ გვჭირდება როგორც ქირურგი, ისე თერაპევტი, ორთოდონტი, პაროდონტოლოგი და ყველა ამ მომსახურებას პაციენტი ერთ სივრცეში იღებს.  დაგეგმარების ეტაპზე ხდება იმ პაციენტების სელექცია, ვისთვისაც შეიძლება, აღნიშნული მანიპულაციის ჩატარება.    გვყავს უცხოელი პაციენტებიც – აფრიკიდან, ინდოეთიდან, ირანიდან, თურქეთიდან და ასე შემდეგ.

– მაქსიმალურად ვცდილობთ, გავითვალისწინოთ ქვეყანაში არსებული ეკონომიკური ფონი და პაციენტების გადამხდელუნარიანობა, ყველაფერს ვაკეთებთ, რომ პაციენტიც კმაყოფილი იყოს ფასებით და ექიმის მუშაობაც შესაბამისად დაფასდეს. კლინიკა „აქვა დენტი“, სოციალური ქსელების მეშვეობით, ძალიან ხშირად აქვეყნებს სხვადასხვა აქციებს ბრეკეტებზე, დენტალურ იმპლანტაციებზე, ორთოპედიულ კონსტრუქციებზე და ასე შემდეგ.

– თუ სამედიცინო სფეროში ერთ ადგილზე დგახარ, ესე იგი, უკან მიდიხარ. ვხედავ საკუთარ თავში პოტენციალს, რომ სწორი მუშაობის შედეგად კიდევ უფრო მეტად განვვითარდე და ბევრი კმაყოფილი პაციენტი მყავდეს.