თამუნა ლეკვეიშვილი: პრანჭია გოგო არ ვიყავი. ცელქი, მოუსვენარი, ხმაურიანი ბავშვი ვიყავი, ხეებზე ჯდომა მიყვარდა, ავიდოდი და საათობით იქ ვიჯექი. საკმაოდ გვიან, მეათე-მეთერთმეტე კლასში გავაცნობიერე, რომ გოგო ვარ და უნდა გავიპრანჭო. ერთი ბიჭი მომწონდა და მის გამო ვიპრანჭებოდი (იცინის).

– ექსპერიმენტები, ხშირად ჩამიტარებია საკუთარ თავზე. თმა ყველა ფერზე მქონდა შეღებილი – შავად, წითლად, „რიჟად“... ბოლოს მივხვდი, ჩემი თმის ფერი – ღია ყავისფერი უფრო მიხდება და ბოლო დროს მელირებაზე „შევჯექი“. ერთი პერიოდი მოკლედ შევიჭერი თმა და ისე არ მომეწონა, აღარასოდეს შევიჭრი. ერთხელ, გადავწყვიტე თმის გაღიავება და ისეთი საშინელი  ფერი მქონდა, სანამ გადავიღებავდი, სარკეში ჩახედვის მეშინოდა. მაშინვე საღებავის დადება არ შეიძლებოდა, ერთი დღე საშინელი თმის ფერით, ფაქტობრივად, ბებერმა ვიარე (იცინის). რაც შეეხება წონას, ერთი პერიოდი, კარგად მოვიკელი, ახლა კი ცოტა მოვიმატე და ვცდილობ, ისეთი ტანსაცმელი მოვირგო, ზედმეტი კილოგრამები დავმალო. ორსულობის დროს, საკმაოდ მოვიმატე, სიგრძე-სიგანე ერთნაირი მქონდა და დიდხანს დამჭირდა ფორმაში ჩადგომა. დიეტებს ვიცავდი და ვვარჯიშობდი. არ დამავიწყდება, ისეთ საშინელ დიეტას ვიცავდი, მეტყველება დავკარგე (იცინის). ახლა ვხვდები, ყველა ყურმოკრული დიეტის დაცვა იდიოტობაა, მაგრამ ისე მინდოდა სწრაფად გახდომა, ვცადე. მოკლედ, სამი დღე მხოლოდ რძე უნდა მესვა და მესამე დღეს, სერიოზულად დამერღვა მეტყველების უნარი, სიტყვებს ვერ ვაბოლოვებდი და სახლში სასწრაფოდ გამიშალეს სუფრა. მითხრეს: ჭამე, შენ რომ მეტყველება დაკარგო, ხომ დავიღუპეთ, დიეტა აღარ გაგვაგონოო (იცინის). კარგად რომ დავნაყრდი, აზრზე მოვედი, მოვღონიერდი და მივხვდი, ასეთი სულელური მეთოდით აღარასოდეს შევეცდებოდი ზედმეტი წონის დაკლებას.

– ყოველდღიურობაში ასეთი იმიჯი არ მაქვს. როლისთვის მჭირდება ხოლმე სექსუალური იმიჯის მორგება, მერე ფოტოს ვიღებ ასეთ ფორმაში, ვდებ სოციალურ ქსელში და ისე ჩანს, თითქოს სულ ასე დავდივარ. ეს ჩემი სტილი არ არის და ასეთი ხაზგასმული სექსუალური იმიჯით ნამდვილად ვერ ვივლი. უბრალოდ, ეკრანი ითხოვს.

– მამაკაცების მზერას შევეჩვიე (იცინის).

– „არტაკუზა“ არა, მაგრამ „კუდაბზიკა“ კი ვარ (იცინის). მაგალითად, მინდა, ყველაზე კარგი ტელეფონი მქონდეს. არ დამავიწყდება, ბევრი წლის წინ, როცა განვადებით მხოლოდ ტექნიკის გამოტანა შეგეძლო და მეტი არაფრის, სათვალეების მაღაზიაში შევედი და „შანელის“ სათვალეზე გავაკეთე განვადება. საკმაოდ დაბალი ხელფასი მქონდა და 700 ლარი ღირდა. ისე მომეწონა, გადავირიე და ყველა დამცინოდა, განვადებით სათვალე როგორ გამოიტანეო. ამდენი წლის მერეც კი, დედაჩემი ხმარობს იმ სათვალეს და რომ ვუყურებ, მეცინება, ჯერ კიდევ „მოქმედებაშია“ (იცინის).

– ცხოვრებაში ყველაფერში გამიმართლა – მშობლებში, პირადში, მეუღლეში, შვილებში, სამსახურში, მეგობრებში... იღბლიანი გოგო აღმოვჩნდი.

– ქმართან დაკავშირებით იყო გაუგებრობა და ერთ დღეში მოგვარდა. ყველას ეგონა, სოციალური ქსელი გამიტეხეს და ვიღაცამ დამიწერა, მაგრამ მე დავწერე ის სტატუსი, სადაც ქმარს მადლობას ვუხდიდი ამდენი წელი ერთად გატარებისთვის. არ ვარ აფექტური, მაგრამ რაღაც მომივიდა და ამ სტატუსმაც, თავისი საქმე გააკეთა. ეს რომ დავწერე, ტელეფონი არ ჩერდებოდა, გაოგნებულები მირეკავდნენ და მეკითხებოდნენ, რა მოხდაო. ყველას ვეტყვი, რომ ახლა ყველაფერი ისეა, როგორც უნდა იყოს – ასე მარტივად გავცემ პასუხს.

– არასოდეს ყოფილა, პირველად მოხდა, არ ვარ შეჩვეული და იმიტომაც „ავვარდი“ (იცინის). ზოგადად, ბევრი ჭორი გამიგია ჩემზე, მაგრამ არასოდეს ვაქცევ ყურადღებას, უბრალოდ, „ვატარებ“.

– 14 წელი ვიმუშავე „რუსთავი 2-ზე“ და მართლა ჩემი მეორე ოჯახი იყო. ის ტერიტორია თვალცრემლიანმა და გულაჩუყებულმა დავტოვე. ვერასდროს წარმოვიდგენდი, რომ ერთ დილას სხვაგან წავიდოდი სამსახურში და არა იქ. შვილებთან არ გამიტარებია იმდენი დრო, რაც „რუსთვი 2-ში“. მარტო ის ტერიტორია კი არა, იქ ჩემი შექმნილი როლები, მეგობრები და ვხუმრობ ხოლმე, ქმარიც – ნიკა არაბიძეც დავტოვე-მეთქი. მაგრამ ახალი ქმრები მყავს. ნიკა კარგი ქმარი იყო, მაგრამ არც ვასო ჩამოუვარდება. ახლა დავფიქრდი, მგონი, მე ვარ კომფორტული ცოლი და ქმრები იმიტომ მეგუებიან (იცინის). ეს ხუმრობით, მაგრამ, ზოგადად, ეს ცუდი წელი იყო, ცუდად დაიწყო ჩვენი ოჯახისთვის – იანვარში გიგის, ჩემს ქმარს მამა გარდაეცვალა. ზაფხულში სამსახურიდან წამოვედი. იმედია, მშვიდად დასრულდება და ცუდი აღარ მოხდება.

–  სიტუაციამ მოიტანა, რომ ჩემი თანაგუნდელების კონკურენტი გავხდი. ანუ, მეგობრები, ვიქეცით კონკურენტებად და ეს ჩვეულებრივი მომენტია, ასე მოხდა. იმდენად დაკავებულები ვართ, ერთმანეთს ვერ ვნახულობთ, თუმცა, სატელეფონო და სოციალური ქსელით ყოველდღიური ურთიერთობა გვაქვს. ერთმანეთის წარმატებები გვიხარია და ერთმანეთის ამბებს სულ ვიგებთ. მიხარია, რომ ახალი არხი უფრო და უფრო ყურებადი ხდება, შენდება და იზრდება. კიდევ უფრო უკეთესის მოლოდინი მაქვს.

– მეუბნებიან, პირველი ლედობა გიხდებაო და არჩევნებში რომ ვიყარო კენჭი, მგონი, მოვიგებ (იცინის). ისე, კარგი პრეზიდენტი კი ვარ, მაგრამ პოლიტიკაში არასოდეს მოვალ (იცინის).