პასუხი: თუ აქამდე ფეხებს იპარსავდით, გადადით ეპილატორზე. ის თმის ღერებს ბუდიანად აძრობს, დროთა განმავლობაში კი თმა საგრძნობლად დარბილდება და შემცირდება. ეპილაციამდე ან ფეხების გაპარსვამდე რამდენიმე საათით ადრე გაიკეთეთ პილინგი სკრაბის მეშვეობით. არავითარ შემთხვევაში არ გაიკეთოთ ეპილაცია პილინგის შემდეგ. დააცადეთ კანს, დამშვიდდეს. აუცილებლად კარგად გაიხეხეთ ღრუბელით ის ადგილები, სადაც ეპილაციის გაკეთებას აპირებთ. ესეც – ეპილაციამდე, მინიმუმ, 4-5 საათით ადრე. თმის მოშორებისას, ბრიტვით იქნება ეს თუ ეპილატორით, ყოველთვის მიჰყევით თმის ზრდის მიმართულებას. თუ უპირატესობას გაპარსვას ანიჭებთ, პროცედურის წინ დაასველეთ პირსახოცი ცხელ წყალში, გაწურეთ და დაიფინეთ ფეხებზე. ასევე, არსებობს დეპილაციის შემდგომი სპეციალური საშუალებები, რომელიც თმის ამოსვლას აფერხებს. თუ მგრძნობიარე, პრობლემური კანი გაქვთ, თმის მოცილების შემდეგ, წაისვით ანტისეპტიკი, რომელიც აფთიაქებში იყიდება. დეპილაციის შემდეგ ნუ ჩაიცვამთ სინთეტიკის კოლგოტს ან ვიწრო შარვალს. შეიძლება, კანი გაგიღიზიანდეთ და ანთებითი პროცესი დაიწყოს, რაც თმის ზრდის გარანტიაა.