გიორგი ვასაძე: სპორტით ჯერ კიდევ ბავშვობაში დავინტერესდი, როდესაც აქტიურად ვთამაშობდი ფეხბურთს. 19 წლის ასაკში კი დარბაზში დავიწყე ვარჯიში და საკუთარმა გამოცდილებამ გადამაწყვეტინა, გავმხდარიყავი ფიტნეს-ინსტრუქტორი. 25 წლის ასაკში, იმ დროს, როცა ეს სფერო ჯერ
კიდევ არ იყო განვითარებული, პერსონალურ მწვრთნელად დავიწყე მუშაობა.

– სანამ მწვრთნელად დავიწყებდი მუშაობას, ბევრ ინფორმაციას ვეცნობოდი, ვიღებდი რეკომენდაციებს, ვსწავლობდი სწორ კვებას, საკუთარ თავზე ვცდიდი და შემდეგ პრაქტიკაში ვნერგავდი. მართალი ხართ, ჩემთან 70-90 პროცენტი, სწორედ, გოგონები ვარჯიშობენ  – ალბათ, ამას ჩემი ბეგრაუნდი და თვისებები განაპრიობებს – მომთხოვნი ვარ, დისციპლინირებული და პროფესიონალი ჩემს საქმეში. სამთვიანი პროგრამა მაქვს: მოდიხართ ჩემთან, გიდგენთ კვების სწორ, ჯანსაღ რაციონს, ვარჯიშის სისტემას, მიჯერებთ და სამ თვეში განიცდით სხეულის საოცარ ტრანსფორმაციას. საკუთარი გამოცდილება მაძლევს იმის საშუალებას, რომ ზუსტად მივხვდე, რა სჭირდება ადამიანს – გვერდები აწუხებს, ფეხების გახდომა უნდა, თუ საჯდომის აწევა. ქალების 70 პროცენტს ჭარბი წონის პრობლემა აქვს და ასევე, ზედმეტი ცხიმები გვერდებზე, საჯდომზე, მკლავებზე, თეძოებზე. ვინც დამიჯერა, ძალიან კარგი შედეგი მიიღო. ჩემთან ბევრია ისეთი, ვინც 3 თვეში 34 კილო დაიკლო, ასევე, მინუს 43, 40, 35... რაც მთავარია, ეს ჯანსაღი და სწორი ცხოვრების წესის ფონზე ხდება.

  მარიამ ამბროლაძე: ვარჯიში აგვისტოს შუა რიცხვებში დავიწყე, თავიდან კვირაში სამჯერ ვვარჯიშობდი, ორ კვირაში ათი კილო დავიკევი, ხოლო თვე-ნახევარში – 25, სამ თვეში, სულ – 34. გიორგისთან მისვლამდე ჯანმრთელობის უამრავი პრობლემა მქონდა: მაღალი ინსულინი, დარღვული ლიპიდური სპექტრი, ინსულტის ნიშნები, რამაც დამიტოვა მარცხენა ხელის კანკალი, კუჭ-ნაწლავის პრობლემები, კისტოზური საკვერცხეები, ციკლის სრული შეწყვეტა... სამი თვე სხვაგანაც დავდიოდი, ვიყავი დიეტოლოგთანაც, მაგრამ ვერავინ მიშველა. გიორგიმ  მეორე სიცოცხლე მაჩუქა, საკუთარი თავი მაპოვნინა. ახლა არანაირ წამალს აღარ ვსვამ, ანალიზებიც წესრიგში მაქვს, ძალიან ბედნიერი ვარ და... გიორგის მადლობელი. მინდა, სხვა ადამიანებს მივცე სტიმული და მოტივაცია.