პასუხი: მეუღლემ უნდა ჩაიტაროს სპერმის გამოკვლევა. თუ სპერმის ანალიზი ნორმაშია, მაშინ ამ ეტაპზე უშვილობის მიზეზი ვარიკოცელე ვერ იქნება. თუმცა, დროთა განმავლობაში ვარიკოცელე სპერმის ხარისხს აფუჭებს, რაც უშვილობას იწვევს. ოპერაციის ჩვენებად ითვლება სპერმოგრამის დარღვევები, მეორე-მესამე ხარისხის ვარიკოცელე, რომელიც იწვევს სათესლე ჯირკვლის ატროფიას, ტკივილს.

პასუხი: კალციუმის შემცველობის დაქვეითება, ანუ ჰიპოკალციემია ვითარდება ოპერაციული ჩარევის შედეგად ფარისებრახლო ჯირკვლების მიერ ჰორმონის პროდუქციის დაქვეითების შემთხვევაში. ხშირია D ვიტამინის დეფიციტის დროსაც. D ვიტამინის დეფიციტი დაკავშირებულია საკვებში მის უკმარისობასთან ან მზის სხივების ზემოქმედების ნაკლებობასთან. ამ ვიტამინის დეფიციტს იწვევს, ასევე, ზოგიერთი კრუნჩხვის საწინააღმდეგო საშუალება, თირკმელების დაავადებები. ჰიპოკალციემია ვითარდება სეფსისის, ჰიპოფიზის წინა წილის ჰიპოფუნქციისას და სხვა... დიფერენცირების მიზნით კი ოჯახის ექიმს ან თერაპევტს უნდა მიმართოთ.

პასუხი: ზუსტი მიზეზის თქმა არ შეგვიძლია, კვლევებისთვის უნდა მიმართოთ ექიმს. აუცილებელია სისხლის საერთო ანალიზი, სისხლში გლუკოზის გამოკვლევა, ფილტვების რენტგენოგრაფია, მუცლის ღრუს ექოსკოპია. სხვა კვლევების აუცილებლობა შემდეგ დადგინდება.