მაშინ, როდესაც ბილწსიტყვაობა ნორმადაა ქცეული და საქართველოს მოქალაქეთა უმეტესობა (თუ ლამის ყველა არა – მგონი, უკანასკნელ მოჰიკანად შემოვრჩი) თავის უპირველეს მოვალეობად და ლამის დედამიწაზე მოვლინების ერთადერთ გასამართლებად უხამსად აზრის გამოხატვასა (თუ ამას აზრი შეიძლება, ეწოდოს?!) და ერთმანეთისა და სამყაროს ლანძღვას მიიჩნევს (რაც, ნუ იტყვით და, თურმე, გამოხატვის თავისუფლებაც ყოფილა, ახალქართულ-ლიბერალური გაგებით), ამ ჩვენი ბედკრული სასამართლოს მორიგი გადაწყვეტილებაც შევიტყვეთ.

  კერძოდ, გვარწმუნებენ, რომ სიტყვა „პიდარასტის“ საჯარო სივრცეში გამოყენება 500 ლარიდან დაჯარიმდებაო. ცხადია, სასამართლომ თავისი საქმისა უკეთ იცის, ისევე, როგორც მათ, ვისაც ამ ტერმინით მოიხსენიებენ (რაკი იზრუნეს თავიანთ თავზე), მაგრამ მაინც იბადება კითხვები: აი, „პედერასტის“ შემთხვევაში როგორაა საქმე ან, მაგალითად, ექიმს თუ შეუძლია ტერმინ „პედერასტიის“ გამოყენება და, რაც მთავარია, როცა „პედერასტია“ მამათმავლობას ნიშნავს, ეს აკრძალვა სინონიმებზეც ვრცელდება (მაგალითად - გეი), თუ მოწყვლადი ოდენ ტერმინი „პიდარასტია“?!

  ცხადია, ის კიდევ სხვა თემაა, ამ ბილწსიტყვაობის მორევში რაღა მაინცდამაინც ეს კონკრეტული სიტყვა ამოირჩია ამ ჩვენმა მართლმსაჯულებამ ქვეყნის მომავლის დამაქცევრად, ანუ დანარჩენებს რა ვუყოთ?!