№42 „უკარება“ კოწია
ერთხელ პოლიკარპე კაკაბაძე რუსთაველის გამზირზე ეულად მიმავალ კონსტანტინე გამსახურდიას გადაეყარა და წაკბინა:– კოწია, ხვალ ჩემი პიესის პრემიერაა რუსთველის თეატრში. ორი ბილეთი დაგიჯავშნე და მეგობართან ერთად მოდი, თუკი ასეთი გყავსო (ცნობილი ქართველი დრამატურგი კოწიას „უკარებას“ ეძახდა).
გამსახურდიამ მზერა შეავლო „ყვარყვარეს“ ავტორს და მიუგო:
– პრემიერაზე არა, მაგრამ შემდეგ სპექტაკლზე მოვალ უამრავ მეგობართან ერთად, რომ ცარიელი ადგილები შეგივსოთო.